+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

كايردە قازاق ءتىلى تۇڭعىش رەت ماماندىق رەتىندە وقىتىلا باستادى

12 قازان 17:47 69
:ءبولىسۋ
كايردە قازاق ءتىلى تۇڭعىش رەت ماماندىق رەتىندە وقىتىلا باستادى

 استانا. قازاقپارات - قازاقستاندىق تۋريستەر مىسىر ۋنيۆەرسيتەتتەرىندە قازاق ءتىلىن وقىتۋعا تۇرتكى بولدى. بۇل تۋرالى بۇگىن ق ر سىرتقى ىستەر مينيسترلىگىندەگى بريفينگتە قازاقستانىڭ مىسىرداعى توتەنشە جانە وكىلەتتى ەلشىسى ارمان يساعاليەۆ ايتتى، دەپ حابارلايدى قازاقپارات ءتىلشىسى.

 «اراب الەمىندە تۇڭعىش رەت 2018-2019 وقۋ جىلىنان باستاپ مىسىرلىق جوعارى ءبىلىمنىڭ فلاگمانى بولىپ تابىلاتىن كاير ۋنيۆەرسيتەتىنىڭ ادەبيەت فاكۋلتەتىنە قازاق ءتىلى ماماندىق رەتىندە وقىتىلاتىندىعىن اتاپ وتكىم كەلەدى. بۇل مىسىرعا باراتىن قازاقستاندىق تۋريستەردىڭ ارتۋى ناتيجەسىندە ورىن الىپ وتىر. الداعى ۋاقىتتا مىسىردىڭ ءال- اسقار سىندى ءبىرقاتار ۋنيۆەرسيتەتىندە قازاق ءتىلى ماماندىق رەتىندە وقىتىلادى دەپ كۇتىلۋدە» ، - دەدى ارمان يساعاليەۆ.

جالپى ەلشىنىڭ اتاپ وتۋىنشە، قازاقستان مەن مىسىر اراسىنداعى ءبىلىم جانە عىلىم سالاسىنداعى ىنتىماقتاستىق تا جاندانا تۇسۋدە.

 «وزدەرىڭىز بىلەسىزدەر، الماتىدا «نۇر مۇباراك» دەپ اتالاتىن قازاق- مىسىر ءدىني ۋنيۆەرسيتەتى بار. جاقىندا وسى ۋنيۆەرسيتەتتىڭ قامقورشىلىق كەڭەسىنىڭ 7- وتىرىسى ءوتتى. شارا ناتيجەسىندە ۋنيۆەرسيتەت قازاقستانعا سىي رەتىندە تارتۋ ەتىلدى جانە ءبىلىم ورداسىنىڭ اتاۋىن «نۇر مۇباراك» قازاق- مىسىر يسلام مادەني ۋنيۆەرسيتەتى دەپ وزگەرتۋ جانە رەكتورلاردى كەزەكپەن تاعايىنداۋ تۋرالى شەشىم قابىلداندى. بۇرىن رەكتوردى مىسىر تاراپى تاعايىندايتىن» ، - دەدى ول.


باستى سوزدەر: الةم, ئقپالداستئق,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات