+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ەلباسى «نازاربايەۆ ۋنيۆەرسيتەتىنىڭ» پرەزيدەنتىمەن كەزدەستى

12 قازان 16:31 72
:ءبولىسۋ
ەلباسى «نازاربايەۆ ۋنيۆەرسيتەتىنىڭ» پرەزيدەنتىمەن كەزدەستى

 استانا. قازاقپارات - مەملەكەت باسشىسى «نازاربايەۆ ۋنيۆەرسيتەتى» دەربەس ءبىلىم بەرۋ مەكەمەسىنىڭ پرەزيدەنتى شيگەو كاتسۋمەن كەزدەستى، دەپ حابارلايدى اقوردانىڭ باسپا ءسوز قىزمەتى.

كەزدەسۋگە پرەزيدەنت اكىمشىلىگىنىڭ باسشىسى ءا. يسەكەشيەۆ، دەنساۋلىق ساقتاۋ ءمينيسترى ە. ءبىرتانوۆ، «University Medical Center» كورپوراتيۆتىك قورى باسقارماسىنىڭ ءتوراعاسى ج. ءجۇمادىلوۆ قاتىستى.

ەلباسىعا «قازاقستاندىقتاردىڭ ءال- اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋدا ايتىلعان استاناداعى ۇلتتىق عىلىمي ونكولوگيالىق ورتالىق قۇرىلىسىنىڭ تۇجىرىمداماسى ۇسىنىلدى.

دەنساۋلىق ساقتاۋ ءمينيسترىنىڭ مالىمەتىنە سايكەس، بۇل ورتالىقتىڭ قۇرىلىس جۇمىستارى بيىل باستالادى. جاڭا مەديتسينا مەكەمەسىندە قاتەرلى ىسىك اۋرۋلارىنا دياگنوستيكا جاساپ، ەمدەۋ ءۇشىن وزىق تەحنولوگيا، سونىڭ ىشىندە لازەرلىك، ساۋلەلىك، جاسۋشالى- ءيممۋندى تەراپيا جانە وزگە دە زاماناۋي ادىستەر قولدانىلاتىن بولادى.

سونىمەن قاتار، مەملەكەت باسشىسىنا جولداۋداعى جەكەلەگەن باعىتتاردى ىسكە اسىرۋعا قاتىستى نازاربايەۆ ۋنيۆەرسيتەتىنىڭ قازىرگى جۇمىستارى جونىندە باياندالدى.

ش. كاتسۋ قازاقستان پرەزيدەنتىنە يننوۆاتسيالىق كلاستەردىڭ جۇمىس جوسپارى مەن ۋنيۆەرسيتەتتىڭ عىلىمي- زەرتحانالىق كەشەنىنىڭ ىسكە قوسىلۋى جونىندە مالىمدەپ، نازاربايەۆ زياتكەرلىك مەكتەپتەرىن دامىتۋدىڭ ءبىرقاتار ماسەلەلەرىن اتاپ ءوتتى.

كەزدەسۋ قورىتىندىسى بويىنشا نۇرسۇلتان نازاربايەۆ ءبىرقاتار ناقتى تاپسىرما بەردى.

ەلباسى «نازاربايەۆ ۋنيۆەرسيتەتىنىڭ» پرەزيدەنتىمەن كەزدەستى


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات