بۋدديست: مەن ولىمنەن قورىقپايمىن

None
None
استانا. قازاقپارات - ەلوردادا وتەتىن الەمدىك جانە ءداستۇرلى دىندەر سيەزى دۇنيەجۇزىلىك وزەكتى تاقىرىپتاردىڭ تالقىلاۋ الاڭىنا اينالعان. ماڭىزدى جيىنعا قاتىسۋشىلاردىڭ ءبىرى «بۋددا» ءدىني ۇيىمىنىڭ وكىلىنىڭ پىكىرى وسىنداي.



 بۋدديستەر بەيبىتشىلىك پەن مەيىرىمدىلىك فيلوسوفياسىن ۇستانادى. بۋددا تاقۋاسى يانگ كي حۋننىڭ ءاربىر كۇنى مەديتاتسيادان باستالادى. كورەيادا دۇنيەگە كەلگەنىمەن، ءومىرىنىڭ جارتىسىن تۋعان جەرىنەن شالعايدا وتكىزگەن. توقسانىنشى جىلدارى ت م د ەلدەرىنە كورەي ازاماتتارىنا قولداۋ ءبىلدىرۋ ءۇشىن ارنايى كەلگەن. تالاي جىلدار بويى جەتەكشىلىك ەتكەن ۇيىم بۇگىندە بارلىق ورتالىق ازيا ەلدەرىنىڭ باسىن قوسادى.

 يانگ كي حۋن، ورتالىق ازياداعى كورەي بۋدديستىك ۇيىمىنىڭ وكىلى:

 - بۋددا ءدىنىنىڭ باستى ەرەكشەلىگى -  ول ەڭ الدىمەن ادامنىڭ رۋحاني دۇنيەسىن قالىپتاستىرادى. مەن ولىمنەن قورىقپايمىن. ءتىپتى اۋرۋ- سىرقاۋدان دا قورىقپايمىن، سەبەبى مەن ەمەس، مەنىڭ دەنەم زارداپ شەگەدى. قازىرگى كەزدە ادامداردىڭ كوپشىلىگى ۇرەي جانە كۇيزەلىس جاعدايىندا ءومىر سۇرەدى. مۇنىڭ بارلىعى بايلىققا دەگەن قۇشتارلىقتان پايدا بولادى. ءبىراق بۇل جول ەشكىمدى باقىتتى ەتپەيدى. باقىتتى ءومىر كەشۋدىڭ ءبىر عانا جولى جان- دۇنيە تىنىشتىعىن ساقتاپ عانا قويماي، رۋحاني دامۋعا تالپىنۋ ەكەن. ءدال وسىنداي بەيبىتشىلىك پەن مەيىرىمدىلىك فيلوسوفياسىن شامامەن 500 ميلليون ادام ۇستانادى. مەملەكەتتەر اراسىنداعى كەز- كەلگەن كەلىسپەۋشىلىكتەر بۇل تەك قانا ساياسات. ال قازاقستان جانە ەل پرەزيدەنتىنىڭ ءدىن جولىنداعى ۇستانىمىن قولدايمىن. ەندى وسى جولعى جيىندا وزەكتى ماسەلەلەردى تالقىلايتىن بولامىز.

 تالاي جەرلەستەرىنە قول ۇشىن سوزىپ جۇرگەن كورەي ازاماتى بۇگىنگى فورۋمعا دا بەلسەنە قاتىسپاق. ءدىني كوشباسشىلار قاۋىپسىز الەم جولىندا اتاۋلى تاقىرىپ تا ونىڭ ومىرلىك ۇستانىمىمەن ساي كەلەدى.

www.24.kz

سوڭعى جاڭالىقتار