+7 (701) 759 90 19 Лента
1 °С : استانا
8 °С : الماتى
USD 370.03 EUR 428.49
RUB 5.61 CNY 53.44
جاڭالىقتار

قاراجىرا كومىرى شەتەلدە سۇرانىسقا يە

12 قازان 14:05 228
:ءبولىسۋ
قاراجىرا كومىرى شەتەلدە سۇرانىسقا يە

استانا. قازاقپارات - بيىلعى جىلدىڭ باسىندا قازاقستان قۇنى 72,3 ميلليون دوللار بولاتىن 5,1 ميلليون توننا تاس كومىردى ەكسپورتتادى.

ەۋروپا مەن وڭتۇستىك- شىعىس ازيا ەلدەرىن قارا التىنىمىز نەسىمەن قىزىقتىرادى؟

وڭتۇستىك- شىعىس ازيا مەن ەۋروپا ەلدەرىندە قازاقستاننىڭ قارا التىنىنا سۇرانىس كوپ. سەبەبى، كومىردىڭ باعاسى ارزان، باستىسى ساپالى. ماماندار نەگىزگى تۇتىنۋشى رەسەي فەدەراتسياسى ەكەنىن ايتادى. مۇندا جىل باسىندا 4,1 ميلليون توننا كومىر جىبەرىلگەن. قازىر ەلىمىزدە 400-دەن اسا تاس جانە كومىر كەن ورىندارى بار. ءبىر عانا قاراجىرا كەن ورنىندا 5,2 ميلليون توننا كومىر يگەرىلگەن. بۇل وتكەن جىلمەن سالىستىرعاندا 905 مىڭ تونناعا ارتىق.

 بيىل تەمىرجول ارقىلى 8 ميلليون توننا كومىر تاسىمالداۋ جوسپارى قويىلىپتى. جوسپار ۋاقىتىنان بۇرىن ورىندالۋى كەرەك. سەبەبى، ۆاگوندارمەن قامتاماسىز ەتۋ 100 پايىز دەڭگەيىندە. اسىرەسە ەكسپورتقا باعىتتالعان كومىر ۇلەسى ەكى ەسە ارتقان.

بۇل تۋرالى ارنامىزعا «ق ت ج» ۇ ك» ا ق- نىڭ «سەمەي جۇك تاسىمالى بولىمشەسى» فيليالىنىڭ ديرەكتورى مارلەن كوكىرەكبايەۆ تەلەفون ارقىلى حابارلادى. ماماندار بيىل كومىر تاپشىلىعى بايقالمايتىنىن العا تارتىپ وتىر. اسىرەسە قاراپايىم حالىققا ارنالعان الەۋمەتتىك كومىر كوپتەپ بولىنگەن. ال قارا التىندى وندىرەتىن كاسىپورىنداردىڭ قويمالارىنداعى قوردى ەسەپتەگەندە جىل باسىنان بەرى 79,2 ميلليون توننا كومىر تيەلىپ جونەلتىلگەن.

بۇل وتكەن جىلمەن سالىستىرعاندا 965 مىڭ تونناعا ارتىق. بۇگىنگى تاڭدا كومىر تاسىمالداۋعا 29 مىڭ ۆاگون جۇمىلدىرىلىپ وتىر. ال ەكىنشى دەڭگەيلى بانكتەردى قولداۋعا باعىتتالعان 600 ميلليارد تەڭگەنىڭ جارتىسى ءبىرىڭعاي جيناقتاۋشى زەينەتاقى قورى، قالعانى ۇلتتىق بانكتەن بولىنەدى. اۋقىمدى قاراجات ەكونوميكاداعى باسىمدىعى زور جوبالارعا جۇمسالاتىن بولادى. «الەمنىڭ بۇكىل ەلىندە وسىنداي جۇيە بار. قاراجات ەكونوميكاعا نارىقتىق مولشەرلەمە بويىنشا قۇيىلادى. سونىڭ ناتيجەسىندە جيناق مولشەرى ارتادى»، -  دەدى قارجى ءمينيسترى ءاليحان سمايىلوۆ.

www.24.kz


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات