+7 (701) 759 90 19 Лента
0 °С : استانا
2 °С : الماتى
USD 366.86 EUR 424.49
RUB 5.60 CNY 53.02
جاڭالىقتار

گولليۆۋد كينولارى تۋرالى قىزىقتى فاكتىلەر

12 قازان 20:34 471
:ءبولىسۋ
گولليۆۋد كينولارى تۋرالى قىزىقتى فاكتىلەر

 استانا. قازاقپارات - فيلمدەردى ءتۇسىرۋ كەزىندە ەڭ قىزىقتى جايتتار كادردان تىس قالاتىن نەمەسە ەكرانداعى شيەلەنىستى وقيعالار اعىمىندا ەلەۋسىز قالىپ جاتاتىن كەزدەر از ەمەس.

گولليۆۋد كينولارىنا قاتىستى وسىنداي بىرنەشە قىزىقتى فاكتىلەردى نازارلارىڭىزعا ۇسىنىپ وتىرمىز.


گولليۆۋد كينولارى تۋرالى قىزىقتى فاكتىلەر

«بەتمەن قايتا ورالدى» فيلمىندە ميشەل پفايففەر سومداعان مىسىق- ايەلدىڭ لاتەكس كوستيۋمى تىم تار ءارى دەنەگە جابىسىپ تۇراتىندىقتان، اكتريسا ونى از عانا ۋاقىتقا كيىپ، ءجيى كيىم اۋىستىرىپ وتىرعان. سەبەبى كوستيۋم تىنىس الۋعا كەدەرگى جاساپ، اكتريسانىڭ ەسىنەن تانىپ قالۋى مۇمكىن ەدى. ميشەل پفايففەر كوستيۋم قۇلاقتارىن قاتتى جاۋىپ تۇراتىندىقتان ءتۇسىرىلىم بارىسىندا ءوز داۋىسىن ەستىمەي قالعان كەزدەرى دە بولعانىن ايتادى.

 
گولليۆۋد كينولارى تۋرالى قىزىقتى فاكتىلەر

«تيتانيك» فيلمىنىڭ بيۋدجەتى «تيتانيك» كەمەسىنىڭ قۇنىنان اسىپ تۇسكەن. 1910-1912 -جىلدارى الىپ كەمەنى قۇراستىرۋ ءۇشىن كونسترۋكتور 7,5 ميلليون دوللار قارجى جۇمساعان. 1997 -جىلى بۇل سوما ينفلياتسيانى ەسەپكە العاندا 120-150 ميلليون دوللاردى قۇراۋى مۇمكىن ەدى. ال فيلمدى تۇسىرۋگە 200 ميلليون دوللار قارجى جۇمسالعان.

 
گولليۆۋد كينولارى تۋرالى قىزىقتى فاكتىلەر

«يۋرا داۋىرىندەگى پارك» فيلمىندە دينوزاۆرلاردىڭ دىبىسى شىن مانىندە تاسباقالاردىڭ جۇپتاسىپ شاعىلىسۋى كەزىندە شىعاراتىن دىبىستارىنىڭ جازباسى بولىپ تابىلادى.

 
گولليۆۋد كينولارى تۋرالى قىزىقتى فاكتىلەر

«بولاشاققا ساياحات» («نازاد ۆ بۋدۋشەە») فيلمىندەگى Delorean ۋاقىت ماشيناسى باستاپقىدا قاراپايىم توڭازىتقىش بولۋى ءتيىس ەدى. الايدا رەجيسسەر مەن سەناريست فيلمدى كورىپ تاماشالاعان بالالار ۇيدە توڭازىتقىشقا كىرىپ الىپ، اتا-انالارىنان بولاشاققا ساياحاتقا شىعۋدى تالاپ ەتۋى مۇمكىن ەكەندىگىن ەسكەرىپ، بۇل ويلارىنان قايتىپ، بولاشاق ۇرپاقتىڭ پايداسىنا دۇرىس شەشىم جاساعان.


گولليۆۋد كينولارى تۋرالى قىزىقتى فاكتىلەر 

«بەسىنشى ەلەمەنت» فيلمىنىڭ كەيىپكەرى ليلۋدىڭ قارىم- قاتىناس ءتىلىن رەجيسسەر ليۋك بەسسون ويلاپ تاپقان. رەجيسسەر باستى كەيىپكەردىڭ ءتىلدى جاتتاپ الۋى قاجەت ەكەندىگى تۋرالى قاتاڭ تالاپ قويعان. سوندىقتان ميلا يوۆوۆيچ بۇل تالاپتى مۇلتىكسىز ورىنداۋ ءۇشىن ويدان شىعارىلعان ءتىلدى جاتتاپ الۋعا ءماجبۇر بولعان. فيلمنىڭ ءتۇسىرىلىم جۇمىستارى اياقتالار ساتتە ول ءتىپتى رەجيسسەرمەن «بەسىنشى ەلەمەنتتىڭ» عالامشار تىلىندە سويلەسە باستاعان. ناتيجەسىندە رەجيسسەر مەن اكتريسا اراسىندا ماحاببات وتى تۇتانعان!


گولليۆۋد كينولارى تۋرالى قىزىقتى فاكتىلەر 

«قاراپايىم كۇدىكتىلەر» («وبىچنىە پودوزريەۆاەمىە») فيلمىندە قىلمىسكەرلەردى تانۋ پروتسەسىن ءتۇسىرۋ كەرەك بولاتىن. سىرت كوزگە قاراعاندا پوليتسەيلەردىڭ ومىرىندە كۇندەلىكتى كەزدەسەتىن پروتسەسس بولعانىمەن، اكتەرلەر وسى ءساتتى ءتۇسىرۋ كەزىندە ءازىل-قالجىڭعا بوي ۇرىپ، كورىنىس بىرنەشە رەت قايتالاپ تۇسىرىلگەن. سوندىقتان رەجيسسەرگە «ءساتتى شىققان» دۋبلدىڭ ءبىرىن پايدالانۋعا تۋرا كەلگەن. ناتيجەسىندە قالجىڭباس اكتەرلەردىڭ كەيپى سيۋجەتپەن بىتە قايناسىپ، قىلمىسكەرلەردىڭ پوليتسيامەن مامىلەگە كەلمەگەنىندەي كەيىپتە شىنايى شىققان كادرلارعا قول جەتكىزگەن.

 
گولليۆۋد كينولارى تۋرالى قىزىقتى فاكتىلەر

«بويتسوۆسكيي كلۋب» فيلمىنىڭ ءاربىر ساتىندە Starbucks كوفەسىن ءجيى كورۋگە بولادى. رەجيسسەر دەۆيد فينچەر وسىلايشا ادامداردىڭ كۇندەلىكتى تۇتىنۋ مادەنيەتى ءبىزدىڭ ومىرىمىزگە قالاي اسەر ەتەتىنە كورەرمەننىڭ نازارىن اۋدارماق بولعان.

 
گولليۆۋد كينولارى تۋرالى قىزىقتى فاكتىلەر

تيم بيەرتون تۇسىرگەن «چارلي جانە شوكولاد فابريكاسى» فيلمىندەگى ۆيللي ۆونكتىڭ جاڭعاقتار تسەحىندە جاڭعاق شاعۋعا ارنايى ۇيرەتىلگەن شىنايى تيىندەر «جۇمىس ىستەگەن».

 
گولليۆۋد كينولارى تۋرالى قىزىقتى فاكتىلەر

الفرەد حيچكوك ءوز فيلمدەرىندە ەپيزودتىق رولدەردى سومداۋدى قاتتى ۇناتقان. ءبىراق «قۇتقارۋ شليۋپكاسى» («سپاساتەلنايا شليۋپكا») فيلمىندە سيۋجەت بويىنشا ءوزى تۇسەتىندەي بىردە- ءبىر كادر بولماعان. سوعان قاراماستان رەجيسسەر ءوزىن ءتۇسىرۋدىڭ ەرەكشە امالىن تاپقان: باستى كەيىپكەر قايىقتا وتىرعان ءساتتى بەينەلەيتىن كادردا سۋدا قالقىپ بارا جاتقان گازەتتەن حيچكوكتىڭ فوتوسىن بايقاۋعا بولادى.


گولليۆۋد كينولارى تۋرالى قىزىقتى فاكتىلەر 

«قۇدىرەتتى بريۋس» («بريۋس ۆسەموگۋشي») كومەدياسىندا قۇدايعا 7762323 تەلەفون نومىرىمەن حابارلاسۋعا بولادى. فيلمنىڭ سيۋجەتىنە سايكەس بۋففالودا كينوكومپانيا ءتۇسىرىلىم جۇمىستارى ءۇشىن وسى نومەردى ارنايى ساتىپ العان، ال باسقا قالالارداعى وسى ءنومىردىڭ يەلەرى «قۇدىرەتتى قۇدايمەن» تىلدەسكىسى كەلگەن سەزىمتال كورەرمەندەردىڭ قوڭىراۋ شالۋىنان شارشاعان كورىنەدى.

 دەرەككوزى: رامبلەر


باستى سوزدەر: مادةنيةت, الةم,
:ءبولىسۋ

اأتور:

novasa

ونلاين قىزمەتكەرلەر
مۇراعات