داۋرەن ابايەۆ: مىقتى جۋرناليست بولۋ ءۇشىن نە كەرەك

None
None
استانا. قازاقپارات - اقپارات جانە كوممۋنيكاتسيالار مينيسترلىگى جاستارعا ءارى جۋرناليستيكاعا بايلانىستى باستامالاردى قولداۋعا ءازىر.

بۇل تۋرالى بۇگىن «Jas qalam» فورۋمىنىڭ اشىلۋىندا قر اقپارات جانە كوممۋنيكاتسيالار ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«ەلباسى ءوزىنىڭ بيىلعى جولداۋىندا: «جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستارۋ كەرەك. كەلەسى جىلى «جاستار جىلى» دەپ جاريالاۋدى ۇسىنامىن» دەگەن بولاتىن. وسىعان قاراي بولاشاعىن قالاممەن بايلانىستىرىپ، مەديا سالاسىنا ارناۋعا بەل بۋعان سىزدەر ءۇشىن دە كوپتەگەن مۇمكىندىكتەرگە جول اشىلارى ءسوزسىز»، - دەدى مينيستر.

وسى رەتتە داۋرەن ابايەۆ قالامنىڭ يەسى بولۋ، مىقتى جۋرناليستكە اينالۋ ايتۋعا عانا وڭاي شارۋا ەكەندىگىن باسا ايتتى.

«ول ءۇشىن كوپ ىزدەنىس، تاجىريبە قاجەت. سوندىقتان بۇگىنگى فورۋم ماڭىزدى سىزدەرگە بەرەرى كوپ بولماق. وسىنداي پىكىر الماسۋ الاڭدارى قاناتتارىڭىزدى قاتايتادى، تالاپتارىڭىزدى شىڭدايدى. اقپارات جانە كوممۋنيكاتسيالار مينيسترلىگى جاستارعا ءارى جۋرناليستيكاعا بايلانىستى باستامالاردى قولداۋعا ءازىر»، - دەدى ول.

فورۋمنىڭ اشىلۋىندا ق ر پارلامەنتى سەناتىنىڭ دەپۋتاتى، ق ر تۇڭعىش پرەزيدەنتى قورىنىڭ ديرەكتورى داريعا نازاربايەۆا قازىرگى تاڭدا جۋرناليستيكا كوپ قىزىعۋشىلىق تانىتىلاتىن ماماندىقتاردىڭ ءبىرى ەكەندىگىن اتاپ وتكەن ەدى.

ايتا كەتەيىك، قازاقستاندىق جۋرناليستيكانى دامىتۋعا جاس جۋرناليستەردىڭ كاسىبي بىلىكتىلىگىن ارتتىرۋعا باعىتتالعان كەڭ اۋقىمدى «Jas qalam» جوباسىنا 100-دەن استام جۋرناليست قاتىسۋدا. ولاردىڭ قاتارىندا جۋرناليستەرمەن قاتار جۋرناليستيكا فاكۋلتەتىنىڭ ستۋدەنتتەرى، سونداي-اق بۇقارالىق اقپارات قۇرالدارىنا قىزىعۋشىلىق تانىتاتىن جاستار دا بار.

سوڭعى جاڭالىقتار