مىسىقتان قورىققان ايۋ اعاشتىڭ باسىنا ءبىراق شىققان

 استانا. قازاقپارات - جەلىدە سارعىش ءتۇستى ءۇي مىسىعى جابايى ايۋدى قورقىتىپ، ونىڭ اعاش باسىنا ورمەلەپ قۇتىلعانى تۋرالى ۆيدەو كەڭىنەن تارالۋدا، دەپ حابارلايدى «ريدۋس».

ۆيدەودان ايۋدىڭ اينالاسىن زەرتتەپ جۇرگەن ءساتىن، وسى كەزدە ونىڭ قيمىلدارىن مىسىق ءجىتى باقىلاپ وتىرعانىن انىق كورۋگە بولادى.

سالدەن كەيىن مىسىق اياقتارىن اقىرىن باسىپ، ايۋعا جاقىن بارادى دا، ايبات شەگىپ وعان تاپ بەرەدى. كەنەتتەن پايدا بولعان بوتەن جانۋاردان قاتتى قورىققان ايۋ بىردەن اعاشتىڭ  باسىنا ورمەلەپ كەتەدى.

الايدا ايۋ ءوزىنىڭ قيمىلدارىن ءجىتى باقىلاپ وتىرعان مىسىقتان وڭايلىقپەن قاشىپ قۇتىلا الماعان. ول ءبىر اعاشتان جەرگە ەندى تۇسە بەرگەن ساتتە مىسىق وعان قايتا شابۋىلداپ، ايۋدىڭ كەلەسى اعاشقا ورمەلەپ كەتۋىنە تۋرا كەلگەن. جوعارىداعى سۋرەتكە قاراساق، مىسىقتان قورىققان ايۋ اعاشتىڭ باسىنا ءبىراق شىققانىن اڭعارۋعا بولادى.