+7 (701) 759 90 19 Лента
0 °С : استانا
2 °С : الماتى
USD 366.86 EUR 424.49
RUB 5.60 CNY 53.02
جاڭالىقتار

داريعا نازاربايەۆا كوپ قىزىعۋشىلىق تۋدىراتىن ماماندىقتى اتادى

12 قازان 12:06 312
:ءبولىسۋ
داريعا نازاربايەۆا كوپ قىزىعۋشىلىق تۋدىراتىن ماماندىقتى اتادى

استانا. قازاقپارات - قازىرگى تاڭدا جۋرناليستيكا كوپ قىزىعۋشىلىق تانىتىلاتىن ماماندىقتاردىڭ ءبىرى. مۇنداي پىكىردى «Jas qalam» فورۋمىنىڭ اشىلۋىندا ق ر پارلامەنتى سەناتىنىڭ دەپۋتاتى، ق ر تۇڭعىش پرەزيدەنتى قورىنىڭ ديرەكتورى داريعا نازاربايەۆا ءبىلدىردى،

دەپ حابارلايدى قازاقپارات ءتىلشىسى.

«جىل سايىن قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى مەن «قازاقستان جاستارىنىڭ كونگرەسى» جاس قوعام ءۇشىن ماڭىزدى جوبالاردى جۇزەگە اسىرىپ كەلەدى. سولاردىڭ قاتارىندا بۇگىنگى زاماندا وزەكتى ماسەلەلەردى ايقىندايتىن «Jas qalam» جوباسى بار. بۇل جوبانىڭ ماڭىزدىلىعى ساپالى جانە شىنايى اقپاراتتاردى انىقتاۋعا، ەلىمىزدىڭ جاس ماماندارىنىڭ تۇراقتى قىزمەتكەر الەۋەتىن دامىتۋعا ارنالعان»، - دەپ اتاپ ءوتتى داريعا نازاربايەۆا.

 سونىمەن قاتار ول قازىرگى تاڭدا جۋرناليستيكانىڭ جاڭا ترەندتەرى وتە كوپ ەكەندىگىن جانە وسى جاڭالىقتاردى جاستارعا تەك كاسىبي، جوعارى ساناتتى ەلىمىزدىڭ ەڭ ۇزدىك جۋرناليستەرى عانا جەتكىزە الاتىندىعىن باسا ايتتى.

«سوندىقتان جاس قالام جوعارى وقۋ ورىندارىندا الىناتىن بىلىمگە قوسا جۋرناليستيكا سالاسىن ءىس جۇزىندە دامىتىپ جاتقان شەبەرلەردىڭ تاجىريبەسىنەن ۇلگى الۋعا مول مۇمكىندىك بەرەدى. قازىرگى تاڭدا جۋرناليستيكا كوپ قىزىعۋشىلىق تانىتاتىن ماماندىقتاردىڭ ءبىرى. ماڭىزدى جاڭالىقتاردى ءبىلىپ قانا قويماي قانداي دا ءبىر مامىلەنى ورتاعا سالىپ ساراپتاۋ، تالقىلاۋ جانە ساراپتاما جۇرگىزۋ ارقىلى ونى حالىققا جەتكىزۋ وسى ماماندىقتىڭ ەرەكشەلىگى»، - دەدى سەنات دەپۋتاتى.

ايتا كەتەيىك، قازاقستاندىق جۋرناليستيكانى دامىتۋعا جاس جۋرناليستەردىڭ كاسىبي بىلىكتىلىگىن ارتتىرۋعا باعىتتالعان كەڭ اۋقىمدى «Jas qalam» جوباسىنا 100-دەن استام جۋرناليستەر قاتىسۋدا. ولاردىڭ قاتارىندا جۋرناليستەر، جۋرناليستيكا فاكۋلتەتىنىڭ ستۋدەنتتەرى، سونداي- اق بۇقارالىق اقپارات قۇرالدارىنا قىزىعۋشىلىق تانىتاتىن جاستار دا بار.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات