+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قازاقستاندا جوعارى وقۋ ورىندارىندا وقۋ مەرزىمى قىسقارا ما

12 قازان 11:50 67
:ءبولىسۋ
قازاقستاندا جوعارى وقۋ ورىندارىندا وقۋ مەرزىمى قىسقارا ما

الماتى. قازاقپارات - قازاقستانداعى جوعارى وقۋ ورىندارىندا جاڭا ءبىلىم بەرۋ تەحنولوگياسى ەنگىزىلمەك. ونىڭ اياسىندا جوعارى وقۋ ورنىن بىتىرگەن ستۋدەنتتەر ءتورت جىل ەمەس، 2,5-3 جىل وقيتىن بولادى.

بۇل تۋرالى ساياسي عىلىمدار دوكتورى شارىپبەك امىربەكوۆ پرەزيدەنت جولداۋىن ءتۇسىندىرۋ كەزىندە ايتتى، دەپ حابارلايدى قازاقپارات ءتىلشىسى.

ول دوستىق ۇيىندە وتكەن ەلباسى جولداۋىن تالقىلاۋ كۇنىندە باستى ماسەلەلەردىڭ ءبىرى - ءبىلىم بەرۋ ساپاسى ەكەنىن اتاپ ءوتتى.

«وسى جىلدار ىشىندە كوپتەگەن وقۋ ورىندارىن جابۋ ماسەلەسى بەلگىلى ءبىر سەبەپتەرگە بايلانىستى شەشىمىن تاپقان جوق. ءبىلىم بەرۋ سەكتورلارىن بيزنەس سياقتى تيىسۋگە بولمايدى دەپ ەسەپتەلىنەدى، ءبىراق ءبىلىم بەرۋ ساپاسى ۇلتتىق قاۋىپسىزدىك سانالادى. قازاقستاندا 800 كوللەدج بار، ولاردىڭ بارلىعى كرەديتتىك ءبىلىم بەرۋ تەحنولوگياسىنا ءوتۋى ءتيىس. تۇلەكتەر وقۋ ورىندارىن ءتاماماداعاننان كەيىن جوعارى وقۋى ورىندارىنا ءتۇسىپ، 4 جىل ەمەس، 2,5-3 جىل وقي الادى. ەڭ باستىسى - جوعارى وقۋ ورنىن بىتىرگەن تۇلەكتەردى جۇمىسقا ورنالاستىرۋ. پرەزيدەنت بۇل تۋرالى بىرنەشە رەت ايتتى. ۇكىمەتتىڭ قاۋلىسىنا سايكەس، ەگەر جوعارى ءبىلىم وشاقتارىن بىتىرگەن تۇلەكتەر جۇمىسقا ورنالاسا الماسا، بۇل ماماندىقتار مەن وقۋ ورىندارى جابىلا باستايدى»، - دەدى شارىپبەك امىربەكوۆ.

 ونىڭ ايتۋىنشا، كوپتەگەن جەكە وقۋ ورىندارى تابىسقا بايلانىستى ستۋدەنتتەر تارتۋعا مۇددەلى. ەندى مەملەكەت بيىل وقۋعا تۇسكەندەر سانى مەن ءتورت جىلدان كەيىن بىتىرگەندەر سانىن باقىلاۋدا ۇستايدى.

اۆتور: اسەل اسانوۆا


باستى سوزدەر: ءبىلىم جانە عىلىم, قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات