استانادا ولجاس سۇلەيمەنوۆتىڭ نەمەرەسىنىڭ ولىمىنە قاتىستى سوت پروتسەسى باستالدى
سوت وتىرىسىنا جابىرلەنۋشى تاراپ پەن ايىپتالۋشى، ايىپتاۋشى پروكۋرور مەن ب ا ق وكىلدەرى قاتىسۋدا. سۋديا پروتسەس بارىسىندا ايىپتالۋشى مۇحيتوۆاعا قۇقىعىمەن تانىستىردى. سوتقا جاۋاپ بەرۋ بارىسىندا ايىپتالۋشىنىڭ «سامۇرىق-قازىنا» ا ق- دا ەڭبەك ەتەتىنى بەلگىلى بولدى.
ەسكە سالا كەتسەك، وسى جىلدىڭ ماۋسىمىندا استاناداعى جان تۇرشىگەرلىك جول اپاتىندا ولجاس سۇلەيمەنوۆتىڭ 26 جاستاعى جيەن نەمەرەسى ەسكەندىر سۇلەيمەنوۆ مەرت بولعان ەدى. مارقۇمنىڭ تۋىستارى اپات 22 -ماۋسىم كۇنى استاناداعى ماڭگىلىك ەل داڭعىلى مەن كەرەي مەن جانىبەك حاندار كوشەسىنىڭ قيىلىسىندا بولعان.
موتوسيكل تىزگىندەگەن ەسكەندىردى بەلگىسىز كولىك قاققان جانە جۇرگىزۋشىسى وقيعا ورنىنان قاشىپ كەتكەن دەپ حابارلانعان بولاتىن.
ارادا كوپ وتپەي استانا قالالىق ىشكى ىستەر دەپارتامەنتى اپاتقا سەبەپكەر بولۋى مۇمكىن «Hyundai» اۆتوكولىگىنىڭ يەسى، 29 جاستاعى استانالىق ايەلگە قاتىستى تەرگەۋ امالدارى ءجۇرىپ جاتقانىن ءمالىم ەتكەن ەدى.
سونداي-اق استانا قالاسىنىڭ ىشكى ىستەر دەپارتامەنتى ولجاس سۇلەيمەنوۆتىڭ نەمەرەسى - ەسكەندىر سۇلەيمەنوۆكە سوقتىعىسقان كولىك جۇرگىزۋشىسى قىزىلوردا وبلىستىق ىشكى ىستەر دەپارتامەنتىنىڭ باستىعىنىڭ قىزى ەكەنىن راستاعان.