+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

عالىمدار وسى كۇزدە تۇماۋدىڭ قانداي تۇرلەرى تارالاتىندىعىن ايتتى

12 قازان 11:05 85
:ءبولىسۋ
عالىمدار وسى كۇزدە تۇماۋدىڭ قانداي تۇرلەرى تارالاتىندىعىن ايتتى

استانا. قازاقپارات - كۇزگى كەزەڭ - سۋىقتىڭ جانە تۇماۋدىڭ ۋاقىتى، ياعني ەرەسەكتەر دە، بالالار دا ونىڭ الدىن الۋدى ويلانۋى قاجەت.

د د ۇ تۇماۋدىڭ تاعى ءۇش جاڭا شتاممى پايدا بولدى دەپ حابارلادى.

ءبىرىنشىسى - Brisbane (ۆ توبى) ءبىر ادامنان ەكىنشىسىنە بەرىلەدى. بەلگىلەرى: باس اۋىرۋى مۇمكىن، مۇرىننىڭ بىتەلۋى، تاماقتىڭ جانە مۇرىننىڭ شىرىشتى قابىعىنىڭ قابىنۋى، بۇكىل دەنەنىڭ دەل- سالدىعى، تەمپەراتۋرا جىلدام 39-40 گرادۋسقا دەيىن كوتەرىلەدى.

ەكىنشىسى Michigan (ا توبى) بەلگىلەرى بۇعان دەيىنگى تۇماۋمەن ۇقساس. دەگەنمەن وعان مىناداي بەلگىلەر قوسىلادى: كوزدىڭ جاساۋراۋى، كونيۋنكتيۆيت، شارشاۋ جانە ۇيقىنىڭ بولۋى. بۇل جاعدايدا دەنە تەمپەراتۋراسىنىڭ 39-40 گرادۋسقا دەيىن كوتەرىلۋى بىرنەشە ساعاتتىڭ ىشىندە ورىن الادى. ناۋقاسپەن بايلانىستا بولعاننان كەيىن بەس ساعاتتان كەيىن بەلگىلەر بايقالادى.

ءۇشىنشىسى - HongKong (ا توبى) ادامداردان، جانۋارلاردان، قۇستاردان جۇعادى. بەلگىلەرى: باس اۋىرۋى نەگىزىنەن ماڭداي- سامايدا بايقالادى، قىزۋ، مۇرىننىڭ جانە تاماقتىڭ شىرىشتى قابىعىنىڭ قىزارۋى، سويلەۋدىڭ ناشارلاۋى.

دارىگەرلەر ءوزىڭىزدىڭ جانە بالالاردىڭ جاعدايىن مۇقيات باقىلاپ وتىرۋعا كەڭەس بەرەدى. باس اۋرۋى، جاعدايدىڭ جالپى ناشارلاۋى، ۇيقىشىلدىق، بەزگەكتىڭ پايدا بولۋى نەمەسە باس اينالۋى اۋرۋدىڭ پايدا بولۋ بەلگىسى بولۋى مۇمكىن.

ج ر ۆ ي- گە قاراعاندا، تۇماۋ كەزىندە اۋرۋ جەدەل ءورشيدى، تەز ۋلانۋ بولىپ، جۇرەك اينۋى مۇمكىن. دەنە قىزۋى دەرەۋ پايدا بولادى جانە ەم-ءدارىنىڭ كومەگىمەن ناشار تۇسەدى، قۇرعاق جوتەل پايدا بولادى. بۇعان قوسا، ج ر ۆ ي ادەتتە ازداعان السىزدىكپەن سيپاتتالادى: مۇرىننىڭ بىتەلۋى، تاماق اۋرۋى، جوتەل. تەمپەراتۋرا ادەتتە 38-39 گرادۋستان اسپايدى جانە وڭاي تۇسەدى. جاعدايدىڭ ناشارلاۋى ادەتتە بىرتە-بىرتە بولادى.

تۇماۋدىڭ جەدەل دامۋىنا بايلانىستى الدىن الۋ شارالارىنا ەرەكشە نازار اۋدارۋى كەرەك - قارتتار، بالالار، جۇكتى ايەلدەر، دەنساۋلىق ساقتاۋ قىزمەتكەرلەرى جانە ادامدار كوپ شوعىرلاناتىن جەردە جۇمىس ىستەيتىندەر.

يممۋنيتەتتى كوتەرىپ، ونىڭ اۋرۋلارعا توتەپ بەرۋىن ارتتىراتىن يممۋندى ىنتالاندىراتىن ءدارى- دارمەكتەرگە نازار اۋدارعان ءجون: كالوتسەل، اربيدول، پەنتاگلوبين، افلۋبين، رەافەرون، انافەرون، يممۋنوۆەرين، وكتاگان. قازىرگى ۋاقىتتا اۋداندىق كلينيكالاردا دا تەگىن ۆاكسيناتسيا الۋعا بولادى.

ەپيدەميا پايدا بولعان جاعدايدا، بالانى كوپ ادامداردان شوعىرلانعان جەرگە بارۋىن شەكتەپ، بالاباقشاعا نەمەسە مەكتەپكە بارۋدان باس تارتۋعا بولادى. ەرەسەكتەر قوعامدىق كولىكتەرگە وتىرۋدان شەكتەلۋى كەرەك. كينوتەاتر، ويىن-ساۋىق جانە ساۋدا ورتالىقتارىنا بارۋدان باس تارتقان ءجون. كۇن سايىن بولمەلەرگە ىلعالدى تازالىق جۇمىستارىن جۇرگىزىپ، اۋاسىن تازارتىپ وتىرۋ قاجەت. وسى قاراپايىم شارالار تۇماۋدى جۇقتىرۋ ىقتيمالدىلىعىن ازايتۋعا، وتباسىڭىزدى جانە ءوزىڭىزدى قورعاۋعا باعىتتالادى.

 

دەرەككوزى: ​orthodox.od.ua


باستى سوزدەر: قوعام, دةنساؤلئق,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات