ساراپشىلار تۋريستەر ءۇشىن الەمنىڭ ەڭ قىمبات قالاسىن اتادى

 استانا. قازاقپارات - ساراپشىلار تۋريستەر ءۇشىن ەڭ قىمبات قالالاردىڭ ءتىزىمىن قۇراستىردى. ساياحاتشىلار ورتاشا ەسەپپەن 537 دوللار جۇمسايتىن دۋباي رەيتينگتە كوش باستاپ تۇر، دەپ حابارلايدى Mastercard.

ەكىنشى ورىندى پاريج يەلەنەدى، مۇندا تۋريستەر ورتاشا ەسەپپەن 301 دوللاردان قالدىرىپ وتىرادى. ءۇشىنشى ورىنعا سينگاپۋر جايعاستى - 286 دوللار.

سونداي-اق، ۇزدىك بەستىككە سەۋل - 181 دوللار جانە باڭكوك - 173 دوللار ەندى. سونىمەن قاتار، الەمنىڭ ەڭ قىمبات قالالارىنىڭ تىزىمىنە توكيو - 154 دوللار، لوندون - 153 دوللار جانە نيۋ- يورك - 147 دوللار ەندى.

ايتا كەتەتىن جايت، رەيتينگتى قۇراستىرۋ كەزىندە Mastercard كومپانياسى الەمنىڭ 162 ەلىنىڭ تۋريستەرىنىڭ تولەم جۇرگىزۋ وپەراتسيالارىنىڭ دەرەكتەرىن پايدالانعان.