قىمىز الەمدەگى ەڭ جيىركەنىشتى تاعامدار مۋزەيىنىڭ ەكسپوناتىنا اينالدى
اتالمىش مۋزەيدىڭ ەكسپوناتتارى قاتارىنا قازاقستاندىقتاردىڭ سۇيىكتى سۋسىنى قىمىز دا ەنگەن، دەپ حابارلايدى NUR. KZ.
كورمەنىڭ رەسمي سايتىندا قىشقىل ءدامدى قىمىز سۋسىنى باسقا ەكسپوناتتاردىڭ قاتارىنان ورىن العان. ەكسپوناتتاردىڭ قاتارىنان حاۋكارل دەپ اتالاتىن، اممياكتىڭ ءيىسى شىعاتىن قاقتالعان اكۋلا ەتىن، اشىتىلعان سيۋرسترەممينگ مايشاباعىن، مۋسانگتىڭ (وڭتۇستىك شىعىس جانە وڭتۇستىك ازياداعى پالما سۋسارى) تەزەگىنەن (قيىنان) وندىرىلەتىن «كۋپي-لۋۆاك» كوفەسى نەمەسە بۇقانىڭ جىنىس مۇشەسىن كەزدەستىرۋگە بولادى.
360 كانال حابارلاعانداي، كورمەنى ۇيىمداستىرۋشى جيىركەنىشتى نارسەلەرگە دەگەن ادامنىڭ ساناسىن وزگەرتۋ جانە ازىق-تۇلىكتەردىڭ جەتكىلىكسىزدىگى پروبلەماسىنا نازار اۋدارۋدى قالايدى.
ايتا كەتەيىك، قىمىز سۋسىنىنىڭ فوتوسىن مۋزەي سايتىنىڭ باستى بەتىنەن كورۋگە بولادى.