جىلقى اتىپ العان بارىمتاشىلار ۇستالدى
«كولىكتىڭ ىشىندە 43 جاستاعى جولاۋشى بولعان. تەكسەرۋ كەزىندە ءتارتىپ ساقشىلارى جۇكسالعىشتان ءتيىستى قۇجاتتارى جوق تەرىسىمەن بىرگە جىلقىنىڭ ءبىر بولىگىن جانە ۇساق كاليبرلى «تو3-8» ماركالى قارۋ، كاليبرى 5,6 م م ەكى گيلزا مەن ارقان، مەتالل كۇرشەك، ءۇش پىشاق الىپ شىقتى. جاۋاپ العان كەزدە جۇرگىزۋشى ءبىر باس جىلقىنى شىعىس قازاقستان وبلىسىندا جايىلىم جەردە بەلگىسىز ادامداردان ساتىپ العانىن ايتقان»، - دەيدى دەپارتامەنتتە.
بۇدان بولەك، تەرگەۋ بارىسىندا پوليتسيا قىزمەتكەرلەرى كۇدىكتىلەردىڭ اققۋلى اۋدانىندا جەرگىلىكتى تۇرعىنعا تيەسىلى ءبىر جىلقىنى اتىپ العانىن انىقتادى. ولار پىشاق جانە بالتانىڭ كومەگىمەن جىلقىنى ءبولىپ تاستاعان. دەگەنمەن ەتتى ساۋداعا جىبەرىپ ۇلگەرمەگەن. كولىكتىڭ جۇكسالعىشىنا سالىپ الىپ، قالاعا بەت العان. كۇدىكتىلەردەن ىشكى ىستەر ورگاندارىندا تىركەلمەگەن قارۋ الىندى.
ق ر ق ك-نىڭ 188-بابى بويىنشا جانە ق ر ق ك-نىڭ 287-بابىنا سايكەس وق پەن قارۋدى زاڭسىز ساقتاۋ، تاسىمالداۋ، ساتىپ الۋ بويىنشا سوتقا دەيىنگى تەرگەۋ جۇرگىزىلۋدە.