بيىك ۇيلەردى جاناي وتكەن اسكەري ۇشاق جۇرتتى شوشىتتى

استانا. قازاقپارات - اۋسترالياداعى بريسبەن قالاسىنىڭ تۇرعىندارىن تۋرا تەرەزەلەرىنىڭ الدىنان Boeing C-17 اسكەري جۇك ۇشاعىنىڭ جاناي ءوتۋى قاتتى ۇرەيلەندىردى.

جۇرتتىڭ كوپشىلىگى 2001 -جىلعى تەراكتىنى ەسكە الىپ، پوليتسياعا جاپپاي قوڭىراۋ شالا باستاعان، دەپ حابارلايدى Daily Mail.

الەۋمەتتىك جەلىگە سالىنعان ۆيدەودان اسكەري «بوينگتىڭ» تۇرعىن ۇيلەردىڭ اراسىندا مانەۆر جاساپ، كەز كەلگەن ساتتە بيىك ۇيلەردىڭ بىرىنە سوقتىعىسۋ قاۋپىن تۋىنداتقانى بايقالادى. وتە قورقىنىشتى كورىنىستەر.

انىقتالا كەلە، بۇل اسكەري ۇشاقتىڭ قاۋىپتى مانيەۆرى جىل سايىن ءداستۇرلى تۇردە اۋە اۆياتسيالىق شوۋمەن اياقتالاتىن Riverfire مادەني فەستيۆالىنە ارنالعاندىعى انىقتالدى.

دەگەنمەن بريسبەن قالاسىنىڭ تۇرعىندارى تاپ ۇيلەرىنىڭ ماڭىندا وتكەن بۇل مەرەكەگە دايىن بولماي شىقتى.

جۇرتتى دۇرلىكتىرگەن وقىس وقيعادان ەشكىم زارداپ شەككەن جوق، ءبىراق ينتەرنەت پايدالانۋشىلار وزدەرىنىڭ جەرگىلىكتى اسكەري- اۋە كۇشتەرىنە دەگەن اشۋ-ىزالارىن جازىپ-اق جاتىر.