ءۇي استىنان مۇناي شىقتى

باكۋ. قازاقپارات - باكۋ قالاسىنداعى سۋراحانسكي اۋدانى اۋماعىنداعى ءبىر ءۇيدىڭ استىنان توگىلگەن مۇناي تابىلعان.

بۇل تۋرالى بەيسەنبىدە مەملەكەتتىك SOCAR مۇناي كومپانياسىنا قاراستى Suraxanı Oil وپەراتسيالىق كومپانياسى ءمالىم ەتتى، دەپ حابارلايدى Trend.

تۇرعىنداردىڭ ءوتىنىشى بويىنشا وقيعا ورنى تەكسەرىلگەن.

«ءۇيدىڭ استىنان از كولەمدەگى مۇناي تابىلدى. جەكەمەنشىك ءۇي مۇناي مۇناراسى جاعىندا ورنالاسقان»، - دەلىنگەن كومپانيانىڭ حابارلاماسىندا.

وقيعا ورنىنا كەلگەن ماماندار سىنامالار الىپ، ونىڭ قايدان شىققانىن انىقتاۋ جۇمىستارىن جۇرگىزىپ جاتىر.