+7 (701) 759 90 19 Лента
1 °С : استانا
8 °С : الماتى
USD 370.03 EUR 428.49
RUB 5.61 CNY 53.44
جاڭالىقتار

اقتاۋدا تۇڭعىش ەلەكتروبۋستار جولعا شىقتى

11 قازان 22:07 204
:ءبولىسۋ
اقتاۋدا تۇڭعىش ەلەكتروبۋستار جولعا شىقتى

اقتاۋ. قازاقپارات - اقتاۋدا العاش رەت اۋەجايدان قالاعا دەيىنگى باعىتتا ەلەكتروبۋستار جولعا شىقتى، دەپ حابارلايدى قازاقپارات ءتىلشىسى.

 بۇدان بىلاي، اتالمىش باعىتتا قورشاعان ورتاعا زيانسىز كولىكپەن جولاۋشىلار تاسىمالدايتىن بولادى. ءبىر ەرەكشەلىگى، «سيفرلى قازاقستان» مەملەكەتتىك باعدارلاماسى اياسىندا ەلەكتر اۆتوبۋستارى ەلەكتروندى بيلەت بەرۋ جۇيەسىمەن جابدىقتالعان. اقتاۋ قالاسى اتالعان جۇيەمەن جابدىقتالعان ەلىمىزدەگى ءۇشىنشى قالا. جولاۋشىلار ەندى جولاقىنى ىڭعايلى تاريفتەر ارقىلى بانكتىك جانە كولىكتىك كارتالارمەن تولەي الادى.

«بۇل اۆتوكولىكتەردىڭ ەڭ باستى ەرەكشەلىگى ولاردىڭ «جاسىل تەxنولوگيالارعا» سايكەس ەلەكتر قۋاتىمەن، ياعني اتموسفەراعا زياندى شىعارىندىلارسىز جۇمىس ىستەۋى. سونىمەن قاتار، قولدانىستا بۇل اۆتوبۋستار ۇنەمدى: مىسالى، ديزەلدى وتىنمەن قوزعالاتىن كولىكتەرمەن سالىستىرعاندا 4 ەسە جانە گازبەن قوزعالاتىن كولىكتەرمەن سالىستىرعاندا 3 ەسەگە ۇنەمدى. وسىنىڭ ناتيجەسىندە اۆتوبۋستاردىڭ وتەلىمدىلىگى 3-4  جىل بولىپ تابىلادى. «سارىارقااۆتوپروم» ج ش س اۆتوبۋستارعا 2  جىلدىق كەپىلدىك بەرەدى، بۇل ءوز كەزەگىندە قولدانىستاعى سەنىمدىلىكتى قامتاماسىز ەتەدى» - دەدى ماڭعىستاۋ وبلىسىنىڭ اكىمى ەرالى توعجانوۆ.

 ال، ەلەكتروندى بيلەتتەر - «اقىلدى قالا» ينفراقۇرىلىمىنىڭ بولىگى جانە ەنگىزىلۋى وڭاي بولىپ تابىلادى. ول bpcbillet.com پورتالى جانە اۆتوبۋستارعا ورناتىلعان بيلەتتەردى باسىپ شىعاراتىن كوپفۋنكتسيونالدى ۆاليداتورلاردان تۇرادى.

 
اقتاۋدا تۇڭعىش ەلەكتروبۋستار جولعا شىقتى

ەلەكتر اۆتوبۋسىنىڭ جيىنتىعىندا بىردەن ەكى ەلەكتر اۆتوبۋسىن قۋات كوزىمەن قامتاماسىز ەتە الاتىن تۇراقتى ەلەكتر قۋاتىنىڭ تۇراعى بار.

 «بۇل ءبىزدىڭ كومپانيانىڭ يننوۆاتسيالىق اۆتوكولىكتەردى قۇراستىرۋدا ءبىرىنشى تاجىريبەسى جانە الداعى ۋاقىتتا ەكولوگيالىق تازا كولىكتەردى قۇراستىرۋعا دايىن. Ankai زاۋىتىنىڭ وندىرىستىك قۋاتى جىلىنا 35 مىڭ قالاىشى، قالاسىرتى، ەكسكۋرسيالىق، گاز بەن ەلەكتر قۋاتىندا جۇرەتىن اۆتوبۋس ءوندىرىپ شىعارۋعا جەتەدى. اۆتوبۋستاردىڭ ءدال وسى جيىنتىعى بەسىنشى كاسپيي ءسامميتى دەلەگاتتارىنىڭ قولدانۋىنا جانە كەيىن اقتاۋ قالاسىندا الەۋمەتتىك ماڭىزدىلىعى بار باعىتتار بويىنشا قولدانۋ ءۇشىن جيناقتالدى. جاپپاي سۇرانىس بولسا، بىزدەر سەريالى وندىرىسكە جىبەرۋگە دايىنبىز، - دەدى اۆتوبۋستى قۇراستىرعان «سارىارقااۆتوپروم» ج ش س ديرەكتورى ميحايلس كۆەتنيس.

 ايتا كەتەيىك، 47 ادامعا ارنالعان Ankai جولاۋشىلار اۆتوبۋسى كوندي جۇيەسىمەن جابدىقتالعان جانە قالا سىرتى جولدارىنا بەيىمدەلگەن. سالوندا 4 بەينەكامەرا، ەلەكتروندى اۆتوحابارلاۋشى، سونداي- اق قول جۇگىنە ارنالعان سورەلەر بار. ورىندىق ارقالارىنا ۇيالى تەلەفوندار مەن وزگە دە ەلەكتر قۇرالدارىن زاريادتاۋ ماقساتىندا USB تەتىكتەرى ورنالاسقان.

 جاڭا اۆتوبۋستاردىڭ ەڭ باستى ەرەكشەلىگى - ەلەكتر قۋاتىمەن قوزعالۋىندا، بۇل ەكولوگيا ءۇشىن ءقاۋىپسىز جانە ۇنەمدى. ءبىر تولىق قۋات العاننان كەيىن جۇمىس ىستەۋ كولەمى 160 كيلومەتردى قۇرايدى. باتارەيانى تولىقتىرۋ ءۇشىن 2,5-4 ساعات مولشەرىندەگى ۋاقىت قاجەت.


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات