+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

پولشاداعى كورمەگە «التىن ادام» قويىلدى

11 قازان 21:18 83
:ءبولىسۋ
پولشاداعى كورمەگە «التىن ادام» قويىلدى

  استانا. قازاقپارات - پولشا رەسپۋبليكاسىنىڭ گدانسك مۋزەيى قازاقستان رەسپۋبليكاسى ۇلتتىق مۋزەيىمەن بىرلەسىپ، حالىقارالىق «التىن ادامنىڭ الەم مۋزەيلەرىنە شەرۋى» اتتى جوبا اياسىندا «ۇلى دالا مۇراسى: زەرگەرلىك ونەر جاۋھارلارى» كورمەسىن اشتى.

قازاقستان رەسپۋبليكاسى مەن پولشا رەسپۋبليكاسى اراسىنداعى ديپلوماتيالىق قارىم- قاتىناستار ورناتىلعاننان بەرى 25  جىل ىشىندە ەلدەرىمىز ىنتىماقتاستىقتىڭ بارلىق باعىتتارىندا ەلەۋلى تابىستارعا قول جەتكىزدى جانە ونى بەيبىتشىلىك، قاۋىپسىزدىك پەن تۇراقتىلىق مۇددەسىندە ەكى ەل حالقىنىڭ يگىلىگى جولىندا ودان ءارى نىعايتۋدى كوزدەيدى.

كورمەنىڭ اشىلۋ سالتاناتىنا پولشا رەسپۋبليكاسىنداعى قازاقستان ەلشىسى مارعۇلان بايمۇحانوۆ، گدانسك قالاسىناڭ ۆيتسە- ءمەرى پەتر ۆويچۋك، ق ر مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى ماقسات ارعىنبەكوۆ، ك. اقىشيەۆ اتىنداعى ينستيتۋت ديرەكتورى مارال حابدۋلينا جانە ۇلتتىق مۋزەي ماماندارى قاتىستى. شارا بارىسىندا ارنايى باسپا ءسوز كونفەرەنتسياسى ۇيىمداستىرىلىپ، «التىن ادامنىڭ الەم مۋزەيلەرىنە شەرۋى» جوباسى تۋرالى جان- جاقتى اقپارات بەرىلدى.

 
پولشاداعى كورمەگە «التىن ادام» قويىلدى

ق ر- نىڭ پولشا رەسپۋبليكاسىنداعى توتەنشە جانە وكىلەتتى ەلشىسى مارعۇلان بايمۇحان كورمەنىڭ قانداي ماقساتتا ءوتىپ جاتقانىن اتاپ ءوتتى.

 «قوس مەملەكەتتىڭ تاۋەلسىزدىك جولىنداعى تارتىسقا تولى تاعدىرى ءبىر- بىرىنە ۇقسايدى. سوندىقتان دا بولار، حالىقتارىنىڭ تۇسىنىگى ورتاق، نيەتى ءبىر. قازاقستان- پولشا اراسىنداعى بۇگىنگى دوستىق قارىم- قاتىناس ەكى ەلدىڭ ءوزارا سىيلاستىعىنىڭ كورىنىسى بولسا كەرەك. بۇل كورمە پولشا تاۋەلسىزدىگىنىڭ 100 جىلدىعى مەن استانا قالاسىنىڭ 20  جىلدىعىنا وراي ۇيىمداستىرىلىپ وتىر. پولشا ەۋرووداق كەڭىستىگىندەگى «التىن ادام» اكەلىنگەن العاشقى مەملەكەت ەكەنىن اتاپ وتكەن ءجون» ، - دەدى.

وتكەن شيرەك عاسىر ىشىندە ەلدەرىمىز اراسىندا قالىپتاسقان قارىم- قاتىناس سەرپىنى تاراپتاردىڭ قازاقستان- پولشا ىنتىماقتاستىعىن دايەكتى تۇردە دامىتۋعا ۇمتىلىسىن كورسەتەدى. جىل وتكەن سايىن قوس مەملەكەت اراسىنداعى ساياسي، ساۋدا- ەكونوميكالىق جانە مادەني- گۋمانيتارلىق بايلانىس بارلىق باعىتتاردا جانە وڭ ناتيجەلەرمەن دامىپ كەلەدى.

 «التىن ادامنىڭ الەم مۋزەيلەرىنە شەرۋى» حالىقارالىق كورمە جوباسىنىڭ نەگىزگى ماقساتى - شەتەلدىك كورەرمەندەردى ەرتە تەمىر داۋىرىندەگى ەۋرازيا ۇلى دالا بەلدەۋىنىڭ مادەني مۇراسىمەن تانىستىرۋ. كورمەدە ق ر ۇلتتىق مۋزەيى قورىنان ب. ز. دەيىنگى VII- Ⅲعاسىرلارعا جاتاتىنالتىن بۇيىمدار كوللەكتسياسى مەن ەسىك قورعانىنان تابىلعان ساق جاۋىنگەرى تولىق كيىممەن تانىستىرىلدى.

 «التىن ادامنىڭ الەم مۋزەيلەرىنە شەرۋى» حالىقارالىق كورمە جوباسىنىڭ مارشرۋتىنا ت م د، ازيا، ەۋروپا جانە امەريكا ەلدەرى كىرەدى. جۇزەگە اسىرۋ مەرزىمى: 2018-2021 -جىلدار.

 سونىمەن قاتار 2018 -جىلى «التىن ادامنىڭ الەم مۋزەيلەرىنە شەرۋى» حالىقارالىق كورمە جوباسى كورەيا ۇلتتىق مۋزەيىندە (سەۋل ق. كورەيا) وتكىزىلەدى. 2019 -جىلى اتالمىش كورمەنى جاپونيا، گرۋزيا، ۇلىبريتانيا، يسپانيا جانە تۇركيا مەملەكەتتەرىنىڭ مۋزەيلەرىندە وتكىزۋ جوسپارلانىپ وتىر. 2020 -جىلى ا ق ش، يتاليا، اۆستريا، فرانسيا جانە گەرمانيا مۋزەيلەرىندە وتكىزۋ جوسپارلانعان.

 «ۇلى دالا مۇراسى: زەرگەرلىك ونەر جاۋھارلارى» كورمەسى 2018 -جىلدىڭ 10 - جەلتوقسانىنا دەيىن جالعاسادى.


باستى سوزدەر: ئقپالداستئق,
:ءبولىسۋ

اأتور:

novasa

ونلاين قىزمەتكەرلەر
مۇراعات