+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ۇشاق تەرەزەلەرى نەگە سوپاق؟

12 قازان 00:07 93
:ءبولىسۋ
ۇشاق تەرەزەلەرى نەگە سوپاق؟

 استانا. قازاقپارات - قانداي ۇشاق كورسەك تە، بارلىعىنىڭ تەرەزەسى سوپاق فورمادا جاسالعان. بۇل - 60 جىل بۇرىنعى تاجىريبەنىڭ ناتيجەسى. سودان بەرى ۇشاققا يلليۋميناتورلار سوپاق نەمەسە دومالاق ەتىپ ورناتىلادى.

العاشقى ۇشاقتاردىڭ تەرەزەلەرى ءتورت بۇرىشتى بولعانى ءمالىم. ينجەنەرلەر ەش كۇدىكسىز ستاندارتتى اينەكتەردى ورناتا باستادى. بۇل جولاۋشىلار تاسىمالدايتىن ءتۇرلى جاڭا ۇشاقتار شىعىپ جاتقان 1950 -جىلدار بولاتىن. كوپپەن بىرگە De Havilland اتتى اعىلشىن كومپانياسى دا «كومەتا» لاينەرىن جاساپ شىقتى. «كومەتا» ۇشاعى سول ۋاقىتتاعى تەحنيكالىق قابىلەتى مىقتى لاينەر بولدى. الايدا 1954 -جىلى ۇشاق اپاتقا ۇشىراپ، 56 ادام قازا تاپتى. ينجەنەرلەر اپات سەبەبىن انىقتايمىز دەپ ءتۇرلى تاجىريبە جاسادى. سىناقتار ارقاسىندا اپات ءتورت بۇرىشتى يلليۋميناتورلار كەسىرىنەن بولعانى انىقتالىپ، ۇشاق جاسايتىن بۇكىل كومپانيا جاپپاي سوپاق تەرەزەلەرگە كوشە باستادى.

ءتورت بۇرىشتى تەرەزەلەر اپاتقا قالاي سەبەپ بولدى؟


ۇشاق تەرەزەلەرى نەگە سوپاق؟

ۇشاق قۇرىلىمىنداعى تىك، ءسۇيىر بۇرىشتى بولشەكتەر اۋەگە كوتەرىلگەندە جارىلۋعا دايىن تۇرادى. سەبەبى جوعارى قىسىم كەزىندە 90 گرادۋس بۇرىشتار جارىلۋعا بەيىم بولادى. دەمەك ءتورتبۇرىشتى اينەكتەر مەن جاقتاۋلار قىسىم بالانسىن ساقتاۋعا قاۋقارسىز. تەك تەرەزە عانا ەمەس، ۇشاقتىڭ بارلىق بولىگى تىك، ءسۇيىر بۇرىشتى بولىكتەردەن ادا. سونداي- اق عارىش زىمىراندارىنىڭ دا تەرەزەلەرى مەن قۇرىلىمى سوپاق فورمادا جاسالادى.

 ال اۋا قىسىمى قايدا قالدى؟


ۇشاق تەرەزەلەرى نەگە سوپاق؟

 اۋا قىسىمىنىڭ بالانسىن يلليۋميناتور تۇبىندە ورنالاسقان كىشكەنتاي تەسىك ساقتاپ تۇرادى. ۇشاق اۋەگە كوتەرىلگەندە سىرتقى تەمپەراتۋرا -35°- تان تومەن بولادى دا، اۋا سىعىلىپ، قىسىم كۇشەيەدى. ال الگى تەسىكتەر ارقىلى اۋا ىشكە كىرىپ، بالانس ساقتالادى.

يلليۋميناتوردىڭ قاجەتى قانشا؟

ءبىر قاراعاندا، اۋرە بولماي- اق ۇشاقتارعا تەرەزە جاساماسا دا بولاتىنداي كورىنەدى، ءبىراق ونسىز بولمايدى. ەكيپاج تەك بورت ىشىندەگى ەمەس، سىرتىنداعى جاعدايدى دا نازاردا ۇستاۋى ءتيىس. مىسالى ۇشاقتىڭ قوزعالتقىشى بۇزىلىپ، ىستەن شىعا باستاسا ونى يلليۋميناتوردان بىردەن بايقاۋعا بولادى. بولاشاقتا تەرەزەسى جوق ۇشاقتار دا پايدا بولۋى مۇمكىن. فرانتسيالىق Technicon Design كومپانياسى سىرتتاعى كورىنىستى تۇتاس كورسەتەتىن پانوراما- قابىرعاسى بار ۇشاقتىڭ كونتسەپتسياسىن جاساعان ەكەن. كىم بىلەدى، بالكىم، ەرتەڭ ۇشاقتىڭ ءبارى وسىنداي بولاتىن شىعار؟

Massaget.kz


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات