قاسىم- جومارت توقايەۆ الەمدىك دىندەر كوشباسشىلارىنىڭ سەزىن قورىتىندىلادى

None
None
 استانا. قازاقپارات - استانادا الەمدىك جانە ءداستۇرلى دىندەر كوشباسشىلارىنىڭ VI سەزى اياقتالىپ، سەزدىڭ قورىتىندى دەكلاراتسياسى قابىلداندى، دەپ حابارلايدى قازاقپارات ءتىلشىسى.

پارلامەنت سەناتىنىڭ ءتوراعاسى، الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ جەتەكشىسى قاسىم- جومارت توقايەۆ سەز قورىتىندىسىندا قاتىسۋشىلاردىڭ بارلىعىنا العىس ايتتى.

«الەمدىك جانە ءداستۇرلى دىندەر كوشباسشىلارىنىڭ VI سەزى ءوز جۇمىسىن اياقتاۋدا. بارلىق دەلەگاتسيالاردىڭ باسشىلارى مەن قوناقتارىنا، حالىقارالىق ۇيىمداردىڭ جوعارعى وكىلدەرىنە سەز جۇمىسىنا بەلسەندى قاتىسىپ، سىندارلى ۇلەس قوسقانى ءۇشىن العىسىمدى بىلدىرەمىن. سەزدىڭ جالپى جانە سەكسيالىق وتىرىستارىندا قاۋىپسىز الەمدى نىعايتۋعا جانە رۋحانيات، ءدىني داستۇرلەردىڭ ءرولىن ارتتىرۋعا باعىتتالعان قۇندى باستامالار كوتەرىلدى. وسى سيپاتتاعى قارىم- قاتىناستار ءوز جالعاسىن تاباتىنىنا جانە نىعايا تۇسەتىنىنە سەنەمىن. سەزدىڭ تۇپكى ماقساتى دا وسىنى كوزدەيدى. بارلىق كونفەسسيا وكىلدەرىنىڭ بەلسەندىلىگى مەن ءوزارا ءىس- قيمىلدارى قارقىنىن جوعالتپاۋى ءتيىس. فورۋم بارىسىندا اشىق ايتىلعان مازمۇندى وي- پىكىرلەر مەن ۇسىنىستاردى تەرەڭ زەردەلەپ، وي ەلەگىنەن وتكىزۋ قاجەت» ، - دەدى قاسىم- جومارت توقايەۆ.

Қасым-Жомарт Тоқаев Әлемдік діндер көшбасшыларының VI съезін қорытындылады

سەنات ءتوراعاسى ءوز سوزىندە الەمنىڭ جاڭا بەينەسىنە قاتىستى ورتاق كوزقاراس پەن ورتاق تۇسىنىستىك بارىنا كوز جەتكىزگەنىن ايتتى.

«بۇگىن دە سەزدىڭ شىنايى الاڭى - استانا عانا ەمەس، بارشا الەم قاۋىمداستىعى. سەبەبى، بۇكىل الەمدە ءار الۋان ءدىندى ۇستاناتىن ادامدار قازاقستاننىڭ ەلورداسىنداعى كەزدەسۋگە زور ۇمىتپەن كوز تىگۋدە. ۇرىس- جانجال مەن ۇرەيدەن قاجىعان ميلليونداعان ادام بەيبىتشىلىكتى، تۇراقتىلىقتى، تىنىشتىقتى قالايدى. حالىقتار شىن مانىندە بىتىمگەرشىلىككە ءزارۋ ەكەنى انىق. بۇگىن وسى زالدا وتىرعان ءدىن جەتەكشىلەرى، بەلگىلى ساياساتكەرلەر مەن حالىقارالىق ۇيىمداردىڭ باسشىلارى ءوز مەملەكەتتەرى مەن حالقىنا التىنشى سەزدىڭ قورىتىندىلارىن جەتكىزەر دەپ ۇمىتتەنەمىن. دەكلاراتسيانىڭ نەگىزگى شەشىمدەرىن ازاماتتىق قوعامنىڭ بارلىق دۇنيەدەگى ينستيتۋتتارى ارقىلى سىزدەر بەلسەندى تۇردە ناسيحاتتايدى دەپ سەنەمىن. دەلەگاتسيا باسشىلارىنا، التىنشى سەزدىڭ بارلىق قوناقتارىنا بەيبىتشىلىك پەن جاسامپازدىق جولىندا جاساعان قىزمەتتەرى جانە سەزدىڭ ىزگى باستامالارىن ىلگەرىلەتۋگە قوسقان قوماقتى ۇلەسى ءۇشىن العىس ايتامىن» ، - دەدى ول.

Қасым-Жомарт Тоқаев Әлемдік діндер көшбасшыларының VI съезін қорытындылады

قاسىم- جومارت توقايەۆ الەمدىك جانە ءداستۇرلى دىندەر كوشباسشىلارىنىڭ VI سەزىنىڭ دەكلاراتسياسى جوباسى بارلىق وكىلدەرمەن، حاتشىلىقتىڭ مۇشەلەرىمەن، جۇمىس توبىمەن ماقۇلدانعانىن اتاپ ءوتتى. وسىدان كەيىن قورىتىندى قۇجاتتى ءدىن كوشباسشىلارىنىڭ كەڭەسى ماقۇلدادى.

جيىن سوڭىندا الەمدىك دىندەر كوشباسشىلارىنىڭ VI سەزىنە ارنالعان پوشتا ماركاسى تانىستىرىلدى. وندا سەزدىڭ لوگوتيپى، بەيبىتشىلىك جان كەلىسىم سارايى، ءزايتۇن اعاشىنىڭ بۇتاقتارى مەن بەيبىتشىلىكتىڭ سيمۆولىنا اينالعان كوگەرشىندەر بەينەلەنگەن. سونداي- اق پوشتا ماركاسىندا قازاق جانە اعىلشىن تىلدەرىندە «الەمدىك جانە ءداستۇرلى دىندەر كوشباسشىلارىنىڭ VI سەزى» دەگەن جازۋ بار. ماركانىڭ تارالىمى - 20 مىڭ دانا.

Қасым-Жомарт Тоқаев Әлемдік діндер көшбасшыларының VI съезін қорытындылады
 ەسكە سالا كەتسەك، الەمدىك جانە ءداستۇرلى دىندەر كوشباسشىلارىنىڭ VI سەزى استانادا كەشە باستالعان بولاتىن. القالى جيىنعا بارلىق الەمدىك جانە ءداستۇرلى دىندەردىڭ وكىلدەرى، سونىمەن قاتار بەدەلدى ءدىني ليدەرلەر، ساياسي قايراتكەرلەر مەن حالىقارالىق ۇيىم وكىلدەرىنەن قۇرالعان 46 ەلدەن 82 دەلەگاتسيا قاتىستى.

سوڭعى جاڭالىقتار