گەننادي گولوۆكين شىنىمەن بوكستان كەتە مە؟

استانا. قازاقپارات - BoxingInsider.com سايتى قازاقستاندىق بوكسشى گەننادي گولوۆكيننىڭ (38-1-1، 34 ك و) بولاشاعى تۋرالى ايتتى، دەپ حابارلايدى قازاقپارات Sports.kz سايتىنا سىلتەمە جاساپ.

«گولوۆكين جاقىندا بەرگەن سۇحباتىندا بوكستان كەتەتىنىن استارلاپ ايتىپ، كوپ ۋاقىتىن وتباسىمەن بىرگە وتكىزگىسى كەلەتىنىن ءمالىم ەتكەن ەدى. ول الۆارەستى ۇزاق ۋاقىت كۇتە الا ما، بۇل شىنىمەن ونىڭ تاڭداعان جولى ما - بۇل جاعى ازىرگە بەلگىسىز. ءمانى بار جالعىز جول - وسى ايدا بولاتىن WBA «تۇراقتى» چەمپيونى ريوتا مۋراتانىڭ روبەرت برانتپەن ايقاسىنىڭ جەڭىمپازىن كۇتۋ.

گولوۆكين مۋراتامەن جاپونيادا ايقاسىپ، ۇلكەن گونورارعا كەنەلۋى مۇمكىن. بۇل - وعان ەڭ ءتيىمدى نۇسقا. «كانەلومەن» ءۇشىنشى جەكپە-جەك ازىرگە بەلگىسىز، سەبەبى گولوۆكيننىڭ مۇمكىندىگى مەن ۋاقىتى شەكتەۋلى»، - دەپ جازدى سايت.