+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

الماتىدا ەڭ ادال ۇستازدىڭ ەسىمى بەلگىلى بولدى

11 قازان 12:52 84
:ءبولىسۋ
الماتىدا ەڭ ادال ۇستازدىڭ ەسىمى بەلگىلى بولدى

الماتى. قازاقپارات - الماتىدا «ادال ۇستاز» قالالىق بايقاۋى مارەسىنە جەتتى، دەپ حابارلايدى قازاقپارات ءتىلشىسى. بۇل بايقاۋ بيىل ەكىنشى رەت وتكىزىلىپ وتىر.

ادال ۇستاز اتانۋ ءۇشىن قالا مەكتەپتەرىنىڭ 12 ۇستازى باق سىنادى.

«بۇل بايقاۋ بيىل ەكىنشى رەت وتكىزىلىپ وتىر. بىلتىر وتە جاقسى ناتيجە بايقادىق. وتە پايدالى ۇسىنىستار ايتىلدى. بايقاۋ سىبايلاس جەمقورلىققا قارسى ساياسات فورماتىندا ءوتىپ جاتىر. ءبىزدىڭ ۇستازدار، مۇعالىمدەر وزدەرىنىڭ وقۋشىلارىنا بەرگەن تاربيەسى ارقىلى سىبايلاس جەمقورلىق دەگەن زۇلىمدىق ەكەنىن جەتكىزۋى ءتيىس. وسى بايقاۋ سىبايلاس جەمقورلىقپەن بىرىگە وتىرىپ كۇرەسۋگە بولاتىندىعىن كورسەتۋى ءتيىس»، - دەدى ق ر مەملەكەتتىك قىزمەت ىستەرى جانە سىبايلاس جەمكورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى گەنادي دانياروۆ.

 
الماتىدا ەڭ ادال ۇستازدىڭ ەسىمى بەلگىلى بولدى


الماتىدا ەڭ ادال ۇستازدىڭ ەسىمى بەلگىلى بولدى

2 ساعاتقا سوزىلعان سايىس قورىتىندىسى بويىنشا قازىلار القاسى باس جۇلدەگە №173 -ليتسەيدىڭ مۇعالىمى جانار كوپبايەۆانى لايىق دەپ تاپتى.

1 -ورىن №148 -مەكتەپ- گيمنازياسىنىڭ مۇعالىمى جەتكىنشەك مەڭدىعاليەۆكە بۇيىردى.

 2-ورىنعا №53 -مەكتەپ گيمنازياسىنىڭ مۇعالىمى ەركەجان ماكەشوۆا مەن №60 -مەكتەپ- گيمنازياسىنىڭ مۇعالىمى نادەجدا فەندريكوۆا تۇراقتادى.

3-ورىندى №33 مەكتەپ- گيمنازياسىنىڭ مۇعالىمى ايگەرىم شايمەردەنوۆا، №178 -مەكتەپ- گيمنازياسىنىڭ مۇعالىمى عالىمجان شىناسىل، №198- جالپى ءبىلىم بەرۋ مەكتەبىنىڭ مۇعالىمى بەرەكە كەڭەسوۆا ءبولىستى.

لاۋرەاتتارعا باعالى سىيلىقتار مەن سەرتيفيكاتتار تابىستالدى.

«بۇل سايىستىڭ «ادال ۇستاز» دەپ اتالۋى تەگىن ەمەس. بۇكىل ادامزاتتىڭ ەكىنشى ۇستازى ءال-فارابي اتامىزدىڭ «تاربيەدەن تىس بەرىلگەن ءبىلىم اسا قاۋىپتى» دەگەن ءسوزى قازىرگى تاڭدا ۇستازداردىڭ كاسىبي ۇستانىمىنا اينالدى. سوندىقتان ءار ۇستاز تاربيە ماسەلەسىنە ەرەكشە كوڭىل ءبولۋى كەرەك. اسىرەسە، ۇستاز بويىندا نەگىزگى قاسيەتتەرى - ۇستازدىڭ ادالدىعى، ماقسات- مۇددەسىنە ادالدىعى، ءوز كاسىبىنە ادالدىعى، وقۋشىلارىنا ادالدىعى اسا ماڭىزدى»، - دەدى قالالىق ءبىلىم باسقارماسىنىڭ ادىستەمەلىك كابينەتىنىڭ ءبولىم باسشىسى اكىمجان سايلىبايەۆ.

 
الماتىدا ەڭ ادال ۇستازدىڭ ەسىمى بەلگىلى بولدى


باستى سوزدەر: ءبىلىم جانە عىلىم, قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات