تۋىستارىنىڭ سوزىنەن شارشاعان ايەل ءوز- وزىنە تۇرمىسقا شىقتى
لۋلۋ دجەميما بەس جىل بۇرىن جوعارعى ءبىلىم الۋ ءۇشىن اۆسترالياعا اتتاندى. ول سيدنەيدەگى ماككۋوري ۋنيۆەرسيتەتىن ءتامامدادى جانە قازىرگى ۋاقىتتا ۇلى بريتانياداعى وكسفورد ۋنيۆەرسيتەتىندە ادەبي شىعارماشىلىق سالاسى بويىنشا ماگيستر دارەجەسىن وقيدى.
الايدا، ءبىلىم قۋعان لۋلۋدىڭ اكادەميالىق جەتىستىكتەرى اتا- اناسىن قاتتى قۋانتا قويمادى.
«تۋىستارىم مەنەن تەك قاشان تۇرمىسقا شىعاتىنىمدى سۇرايدى. سەبەبى، ۋگاندادا بۇل وتە ماڭىزدى. سودان كەيىن ولار مەنىڭ قاشان وتباسىن قۇرىپ، بالالى بولاتىنىما الاڭداۋشىلىق بىلدىرەدى. العاش رەت 16 جاسىمدا اكەم ۇيلەنۋ، وتباسىن قۇرۋ تۋرالى ءسوز قوزعادى» ، - دەيدى دجەميما.
جاقىندارىنىڭ وسىنداي اڭگىمەسىنەن شارشاعان لۋلۋ بۇنى توقتاتۋ ءۇشىن، دوستارىمەن بىرگە ازىلدەپ ۇيلەنۋ تويىن ۇيىمداستىردى. ءتىپتى، باۋىرى مەرەكەلىك تورت ءپىسىرىپ، تانىس ديزاينەرى شاقىرۋ قاعازدارىن باسىپ شىعاردى، جانە دوسى ءدىني قىزمەتكەر ءرولىن اتقاردى. ال سالتاناتتى ءراسىم تاعى ءبىر دوسىنا تيەسىلى باردا وتكىزىلدى.
بۇل تويعا 30 عا جۋىق ادام جينالدى. دجەميما قۇربىسى جالعا العان توي كويلەگىمەن شىعىپ، قوناقتارعا جانىندا نە سەبەپتەن كۇيەۋ جىگىتتىڭ جوق ەكەنىن ءتۇسىندىردى. وسىلايشا، ول قايعى- قاسىرەت پەن قۋانىش تا دا، بايلىق پەن كەدەيلىكتە دە ءوزىن جاقسى كورەتىنىن ايتىپ، ۇيلەنۋ تويىنىڭ انتىن قابىلدادى.
ءبىراق، ۇيلەنۋ تويىندا قىزدىڭ اتا- اناسى بولمادى.
«كەلەسى كۇنى وتباسىممەن سويلەسكەندە انام تاڭقالىپ، ازداپ رەنجىدى. ءبىراق، ول مەنىڭ توي كويلەگىن كيگەنىمنىڭ ءوزى تۇرمىس قۇرۋعا دايىن ەكەنىمدى دادەلدەيدى دەپ، ءوزىن جۇباتۋمەن بولدى. ال اكەم بۇنى ەستىپ، ايتار ءسوزىم جوق دەپ ءۇنسىز قالدى» ، - دەيدى دجەميما.
Stan.kz