ەركە ەسماحان بالا كۇنگى ەستەلىگىمەن ءبولىستى
ءانشى اۋىل تۋرالى اڭگىمەلەپ، وقىرماندارىنىڭ جۇرەگىن ەلجىرەتتى.
«اۋىل مەن ەركە ەگىز ۇعىم دەسەم ارتىق ايتقانىم ەمەس. مەن اۋىلدا تۋدىم، اۋىلدىڭ شاڭىن ات دۋشي جۇتىپ ءوستىم. كەشكە قاراي كورشى قىزدارمەن ەسىك الدىنا شىعىپ سكاكالكا، ماك ويناپ، رەزىڭكەدەن سەكىرىپ، قۇمعا اياعىمىزدى كومىپ قويىپ اڭگىمە سوعاتىن ەدىك! قۇلاپ تىزەنى جارا قىلىپ، وعان قۇم سەۋىپ ەمدەيتىنبىز!» - دەيدى ەركە.
بۇگىندە ساحنانىڭ ناعىز جارىق جۇلدىزىنا اينالعان ەركە بالا كۇنىنەن ءانشى بولۋدى ارمانداپتى. سول ارمانىنا بۇگىن جەتتى دە.
«اۋىلدىڭ تۇنگى اسپانىندا جۇلدىزداردى ساناپ جاتاتىن ارمانشىل قىز بولدىم. تۇنىمەن ارمانداپ، پاپا مامامنىڭ ورتاسىنا جاتىپ الىپ ايقايلاپ توقتاماي ءان سالاتىنمىن! ەكى تىڭدارمان از بولىپ، كەلەسى كۇنى كورشىلەردى جيناپ قويىپ، ورىندىققا شىعىپ الىپ ساحنادا حالىق ءارتىسى ەركە ەسماحانوۆا دەپ ءان ايتاتىن ەدىم قويماي! ۇستىمە كيگەنىم - انامنىڭ كويلەگى. نە دەگەنمەن اۋىل جۇلدىزى بولدىم، جاسىراتىنى جوق!
ىرعىزدان اقتوبەگە كوشتىك. ودان ارمان قۋىپ الماتىعا كەلدىم! باستالدى عو سودان كەيىن قىزىقتىڭ ءبارى!
ودان كەيىنگى ءومىرىم كورەرمەننىڭ كوز الدىندا ءوتىپ جاتىر دەپ ويلايمىن.
قازىر اۋىل مەن اۋىلدىڭ قىزدارى باسقا شىعار. ءبىراق مەنىڭ كوز الدىمدا اۋىلىم ءدال وسىلاي ساقتالدى! ال، مەن سول باياعى اۋىلدىڭ قاراپايىم قىزى ەركەمىن! كەيدە وزىمشە بولاتىنىم بار ەندى!» - دەيدى ەسماحان.