ساكەن مايعازيەۆ قىتايدان كەلگەن قانداسىمىز ءۇشىن جيەن ءىنىسىن جولدان تايدىردى

None
None
 استانا. قازاقپارات - بۇكىل قازاق كوز تىككەن I m singer قازاقستان جوباسىنىڭ باستالعانىن 2 اپتا بولدى. سودان بەرى مادەنيەت سالاسىنىڭ مايتالمانى مايعازيەۆتەن مازا قاشتى.

 تورەشىلىك جاساعان سوزاق توپىراعىنىڭ ساكەنى - جيەنىن تەلەۆيزيالىق جوبادا العا تارتىپ، قامقورلىق جاساي المادى. ول ءۇشىن وكىنبەيدى دە. اتالعان ءانشى «مەلومەن» توبىنىڭ مۇشەسى بولاتىن.

«مەنىڭ جيەنىم ول. ءبىراق مەنىڭ قازاقتىڭ ساكەنىمىن. ونەردە تانىس تامىر دەگەندى قولداي بەرمەيمىن»، - دەيدى ءانشى.

قىتاي ەلىنەن كەلگەن قازاق قىزى اراي سەرىكحانمەن ونەر تالاستىرعان عابيت ابىلدايەۆ وماقاسىپ قۇلادى. مۋزارتتىق- ءانشى اعاسى بارلىق ءمان جايدى ءتۇسىندىرىپ، ءتىپتى تۋعانىم بولىپ، تالانتسىز بولسا ادىلدىكتەن اتتاي المايتىنىن اشىپ ايتتى.

«مەن ەشقاشان دا تانىس تامىرلىق جاساعان ازامات ەمەسپىن. قازاق ونەرىنە جانىم اشيدى. نەگىزى بۇل اراي دەگەن قارىنداسىمىز ەرەكشە داۋىس يەسى. كەز كەلگەن ۇلتتىڭ وزىندىك ءۇنى بولادى. بۇل قىتايلىق قارىنداسىمىزدا ناعىز قازاقتىڭ دارحان ءۇنى سەزىلەدى. شەت ەلدە جۇرگەن قازاقتاردىڭ ساعىنىشى سەزىلەدى. ونىڭ ۇستىنە زالداعى اجەلەرىمىزدىڭ كوزىنەن مولتىلدەگەن جاس تامدى. مىقتىنى مىقتى دەمەسەم ازاماتتىعىما سىن»، - دەيدى مايعازيەۆ.

قىتاي حالىق رەسپۋبليكاسىنان كەلگەن جاس ءانشى ساكەن مايعازيەۆتىڭ ادىلدىگىنە ريزاشىلىق ءبىلدىردى. تۇڭعىش رەت ەلىمىزدەگى تەلەۆيزيالىق جوباعا قاتىسقان قاراكوز قىز، قازاق شوۋبيزىنە دەگەن كوزقاراسى مۇلدەم وزگەرگەن. وسى ۋاقىتقا دەيىن الىپ قاشپا اڭگىمەگە سەنىپ كەلگەنىنە وكىندى.

«شىنىمدى ايتسام ساكەن اعانى سىرتىنان بىلەمىن. «مۋزارتتىڭ» ءانىن جەر شارىنداعى الاش دەپ جۇرەگى سوققان كەز- كەلگەن ادام تىڭدايدى. ايتايىن دەگەنىم، التايدىڭ ارعى جاعىنادا قازاقتار، بۇل ەلدىڭ بايقاۋلارىندا ادىلەتسىزدىك كوپ دەپ ايتادى. مەنىڭ اقيقاتقا بۇگىن كوزىم جەتتى»، - دەيدى اراي سەرىكحان.

«مەن كەيبىر ءانشى ىنىلەرىمە تاڭ قالام. - اعا، مەن مىقتى ەسترادا جۇلدىزى بولايىن دەسەم اقشام جوق، دەيدى. مەن ايتام، كىم سەنەن اقشا سۇراپ جاتىر؟ ! ۇندەمەيدى»، - دەيدى مايعازيەۆ.

سونداي- اق، ساكەن مىرزا وسى ۋاقىتقا دەيىن تالاي كونكۋرسقا قاتىسىپ، قۇر قول قايتقان كەزى كوپ بولعانىن ايتادى. ادىلەتسىزدىكتەن ەمەس، السىزدىگىمنەن دەيدى.

 «مەن تالاي كونكۋرسقا قاتىستىم. بارلىعىندا ءبىرىنشى ورىن العان جوقپىن. تومەن بال قويعان كەزدەر تالاي. ماسەلەن، «جاس قاناتقا» قاتىسقاندا باس جۇلدەنى گاۋحار قاسپاقوۆا الدى. ول مەنەن مىقتى بولدى. مەن ەمەس، باسقا انشىلەردى مويىندادى. ءبىر كەزدەرى ديلناز احماديەۆا جەڭدى. مەنەن ءالسىز دەپ كىم ايتا الادى»، - دەيدى ونەر يەسى.

Stan.kz

سوڭعى جاڭالىقتار