استاناعا كەلە سالا قوناققا شاقىردى - ب ۇ ۇ وكىلى قازاقتىڭ قوناقجايلىعى تۋرالى

None
None
استانا. قازاقپارات - الەمدىك جانە ءداستۇرلى دىندەر ليدەرلەرىنىڭ سەزى حاتشىلىعىنىڭ كەزەكتى وتىرىسى ب ۇ ۇ وكىلى حانيفا مەزۋي قازاقتىڭ قوناقجايلىعىنا ريزا بولعانىن جەتكىزدى.

ح. مەزۋي ب ۇ ۇ- دا وركەنيەتتەر اليانسىنىڭ گۋمانيتارلىق جانە ازاماتتىق قوعامدى دامىتۋ ماسەلەلەرى جونىندەگى اعا كەڭەسشىسى قىزمەتىن اتقارىپ ءجۇر، دەپ حابارلايدى قازاقپارات ءتىلشىسى.

«مەن قازاقستان جاستارىنا ۇلكەن سالەم جولدايىن دەپ ەدىم. شىنىمدى ايتسام، وسى جەردەگى جاستاردىڭ تاربيەسىنە وتە ريزا بولدىم. ماسەلەن، كەشە استاناعا كەلگەن بويدا ستۋدەنت قىزدارىمنىڭ بىرەۋى مەنى بىردەن ءوز ۇيىنە قوناققا شاقىردى. اناسىنىڭ اڭگىمەسىن تىڭدادىم. وسى جەردىڭ قوناقجايلىعىنا تاڭقالدىم. استاناعا كەلگەنىمە ءبىر ساعات تا بولعان جوق، مەنى بىردەن ۇيگە شاقىردى، شاڭىراقتى كورسەتتى. سول ۇيدە قازاقستاندىق جاستارمەن جاقىن تانىستىم. ولار كوپ نارسەگە قىزىعادى ەكەن. ءبارىن سۇراپ شىقتى. بىرىككەن ۇلتتار ۇيىمىندا ءدىن ماسەلەسى قالاي قارالادى؟ ءبارىن بىلگىسى كەلەدى. سوسىن وسى جەردىڭ جاستارى سەنى تىڭداپ قانا قويماي، ءوز ويلارىن دا جەتكىزە بىلەدى»، - دەيدى ح. مەزۋي.

ونىڭ ايتۋىنشا، بۇگىندە بىرىككەن ۇلتتار ۇيىمىندا ءدىنارالىق كەلىسىم ماسەلەسىنە باسا نازار اۋدارىلادى. جاقىندا ق ر پارلامەنتى سەناتىنىڭ ءتوراعاسى قاسىم- جومارت توقايەۆ ب ۇ ۇ- دا بولىپ، الەمدىك جانە ءداستۇرلى دىندەر ليدەرلەرىنىڭ سەزىن تانىستارعان بولاتىن.

«وسىنىڭ ارقاسىندا قازاقستاننىڭ باستامالارىن حالىقارالىق دارەجەدە تانىتۋعا بولادى»، - دەپ اتاپ كورسەتتى ح. مەزۋي.

ايتا كەتەيىك، 10-11 -قازان ارالىعىندا استانادا الەمدىك جانە ءداستۇرلى دىندەر ليدەرلەرىنىڭ كەزەكتى VI سەزى وتەدى. سەزدىڭ اشىلۋىنا سەربيا پرەزيدەنتى الەكساندر ۆۋچيچ پەن ە ق ى ۇ باس حاتشىسى توماس گرەمينگەر قاتىسادى.

وتىرىسقا مەملەكەت باسشىسى نۇرسۇلتان نازاربايەۆ ءتوراعالىق ەتەدى.

 

سوڭعى جاڭالىقتار