انيماتسيالىق «مۇزبالاق» فيلمى جۋىردا كورەرمەنگە جول تارتادى
قىزىقتى وقيعاعا تولى انيماتسيالىق فيلمنىڭ رەجيسسەرلەرى - تۇردىبەك مايدان مەن تىلەك تولەۋعازى. فيلمگە ادام بالاسىنىڭ بۇركىتتى قولعا ۇيرەتۋى ارقاۋ بولعان. وقيعا جەلىسى بويىنشا ادام مەن قۇس ءبىر- بىرىنە سەنىم بىلدىرە وتىرىپ، باۋىر باسادى. سونىمەن قاتار، فيلمدە قازاقتىڭ ساياتشىلىق ءداستۇرى دە سۋرەتتەلەدى.
«قازاقتار بەس جاسار بۇركىتتى مۇزبالاق دەپ اتايدى. بۇل فيلممەن اۆتورلار بۇركىتتەر جانە ولارمەن اڭعا شىعۋ سالتىن كورسەتۋدى كوزدەگەن. فيلم قازاق تىلىندە جاسالىپ، ورىس تىلىنە دۋبلياجدالعان. كينوتەاترلارعا فيلم ەكى تىلدە شىعاتىن بولادى»، - دەدى «قازاق فيلمنىڭ» باسپا ءسوز قىزمەتىنىڭ جەتەكشىسى اينۇر يسايەۆا.
ەكى جىل كولەمىندە جاسالعان بۇل فيلمدە 40-قا جۋىق كينەماتوگرافيانىڭ وسى جانرىندا ەڭبەك ەتىپ جۇرگەن وتاندىق ماماندار ىستەگەن. ۇزاقتىعى 65 مينۋت قۇرايتىن مۋلتفيلم 2D جانە 3D فورماتىندا جاسالعان جانە ءار سەكۋندىندا 24-25 كادر سۋرەت سالىنعان. كەيىپكەرلەردى دىبىستاۋعا ەرجان جارىلقاسىن ۇلى، جانات تىنىبايەۆ، سامات قورداباي، تولەبايەۆ ەرعالي دۇيسەن ۇلى، الما ءادىل قىزى ەسىمدى تەاتر جانە كينو اكتەرلەرى قاتىسقان.