مەكتەپتەر مەن بالاباقشالار بەينەباقىلاۋ كامەرالارىمەن قاشان جابدىقتالادى

None
None
استانا. قازاقپارات - ق ر ءبىلىم جانە عىلىم ۆيتسە-ءمينيسترى ەلميرا سۋحانبەرديەۆا قازاقستان مەكتەپتەرى مەن بالاباقشالارىن بەينەباقىلاۋ كامەرالارىمەن جابدىقتاۋ جۇمىستارى جونىندە باياندادى، دەپ حابارلايدى قازاقپارات ءتىلشىسى.

ونىڭ ايتۋىنشا، قازىرگى ۋاقىتتا قازاقستان مەكتەپتەرى مەن بالاباقشالارىنىڭ 80 پروتسەنتى بەينەباقىلاۋ كامەرالارىمەن جابدىقتالعان.

«قاۋىپسىزدىك پەن ءبىلىم ساپاسى بارىنەن دە ماڭىزدى. رەسپۋبليكا بويىنشا بەينەكامەرالارمەن قامتاماسىز ەتۋدە اتىراۋ وبلىسى (%87) كوش باستاپ تۇر. پاۆلودار، س ق و، قاراعاندى وبلىستارى دا الدىڭعى قاتاردا. كەرىسىنشە، ەڭ تومەنگى كورسەتكىش تۇركىستان وبلىسىنا (%37) تيەسىلى. شىمكەنت قالاسى مەن قىزىلوردا وبلىسىندا دا بەينەكامەرالارمەن جابدىقتالعان مەكتەپتەر وتە از»، - دەدى ۆيتسە- مينيستر ەلميرا سۋحانبەرديەۆا ۇكىمەتتە وتكەن باسپا ءسوز ءماسليحاتىندا.

ونىڭ ايتۋىنشا، مينيسترلىك وڭىرلەرگە ءۇش جىل ۋاقىت بەردى جانە جابدىقتاۋ جۇمىستارى بويىنشا اكىمدىكتەر تىكەلەي جاۋاپ بەرەدى.

«ءۇش جىلدا قازاقستاننىڭ بارلىق مەكتەپەرى مەن بالاباقشالارى بەينەباقىلاۋ كامەرالارىمەن %100 جابدىقتالۋى ءتيىس»، - دەدى ەلميرا سۋحانبەرديەۆا.

سوڭعى جاڭالىقتار