اقوردادا نۇرسۇلتان نازاربايەۆ پەن الەكساندر ۆۋچيچ كەزدەستى

استانا. قازاقپارات - بۇگىن اقوردادا ەلباسى نۇرسۇلتان نازاربايەۆ پەن سەربيا پرەزيدەنتى الەكساندر ۆۋچيچ كەزدەسۋدە، دەپ حابارلايدى قازاقپارات ءتىلشىسى.

مارتەبەلى مەيماندى نۇرسۇلتان نازاربايەۆ اقوردانىڭ الدىنان ارنايى كۇتىپ الدى. وسىدان كەيىن رەزيدەنتسيا ىشىندە مارتەبەلى مەيماننىڭ قۇرمەتىنە سالتاناتتى قاراۋىل ساپ تۇزەپ، ەكى ەلدىڭ ءانۇراندارى وينالدى.

قازىرگى ۋاقىتتا ەكى ەلدىڭ باسشىلارى وڭاشا اڭگىمەلەسۋدە.

ايت كەتەيىك، سەربيا باسشىسى قازاقستان پرەزيدەنتى نۇرسۇلتان نازاربايەۆتىڭ شاقىرۋىمەن رەسمي ساپارمەن كەلىپ وتىر. ساپار اياسىندا الەكساندر ۆۋچيچ قازاقستان- سەربيا ىسكەرلىك فورۋمىنا، الەمدىك جانە ءداستۇرلى دىندەر كوشباسشىلارىنىڭ VI سەزىنىڭ اشىلۋىنا قاتىسادى دەپ جوسپارلانعان.

 

سەربيا پرەزيدەنتىنىڭ ساپارى بارىسىندا ءبىرقاتار ماڭىزدى قۇجاتتارعا قول قويىلماق. ونىڭ ىشىندە قازاقستان مەن سەربيا ۇكىمەتتەرى اراسىنداعى قىلمىسقا قارسى كۇرەستەگى ىنتىماقتاستىق تۋرالى كەلىسىم، سونداي- اق، قازاقستاننىڭ قوعامدىق دامۋ مينيسترلىگى مەن سەربيانىڭ جاستار ساياساتى جانە سپورت مينيسترلىگى اراسىنداعى ءوزارا تۇسىنىستىك تۋرالى مەموراندۋم بار.

جالپى اعىمداعى جىلدىڭ 6 ايىندا قازاقستان مەن سەربيا اراسىنداعى ساۋدا- ساتتىقتىڭ كولەمى 16,7 ميلليون ا ق ش دوللارىن قۇرادى. قازىرگى كەزدە قازاقستاندا 20 دان استام سەربيالىق كومپانيا تىركەلگەن. ولاردىڭ باسىم بولىگى كوتەرمە جانە بولشەك ساۋدامەن، سونداي-اق، تۇرعىن-ءۇي مەن كوممەرسيالىق نىسانداردىڭ قۇرىلىسىمەن اينالىسادى.