ەلىمىزدە سيىر مەن جىلقى ەتىنىڭ باعاسى نەگە قىمباتتادى

None
None
استانا. قازاقپارات - اعىمداعى جىلدىڭ قىركۇيەگىندە اۋىل شارۋاشىلىعى ونىمدەرى 1،2 پايىزعا قىمباتتادى، دەپ حابارلايدى قازاقپارات ءتىلشىسى.

«اعىمداعى جىلعى قىركۇيەكتە 2017 -جىلعى جەلتوقسانمەن سالىستىرعاندا اۋىل شارۋاشىلىعى قۇرىلىمدارى وتكىزگەن اۋىل شارۋاشىلىعى ءونىمى 1،2، وسىمدىك شارۋاشىلىعى ءونىمى - 2،2 پايىزعا قىمباتتادى، ال مال شارۋاشىلىعى ءونىمى 0،7 پايىزعا ارزاندادى»، - دەلىنگەن ق ر ۇلتتىق ەكونوميكا مينيسترلىگى تاراتقان مالىمەتتە.

ۆەدومستۆو اقپاراتىنا سايكەس، قاڭتار- قىركۇيەكتە باعا بيدايعا 4،4، سۇلىعا - 4،3، قارا بيدايعا - 3،9، جۇگەرىگە 3،4، كۇرىشكە - 2،9، ارپاعا - 0،8 پايىزعا ءوسىپ، قاراقۇمىققا 9،3 پايىزعا تومەندەدى.

قىرىققابات 1،8، اسحانالىق قىزىلشا - 0،5 پايىزعا قىمباتتادى، ال كارتوپ 8،3، باستى پياز - 5،4، اسحانالىق ءسابىز - 5، اشىق توپىراقتىڭ قىزاناقتارى - 4،9، اشىق توپىراقتىڭ قيارلارى - 2،4 پايىزعا ارزاندادى. باعا باقشا داقىلدارىنا 6،3، جۇزىمگە - 5،8، كۇنباعىس تۇقىمىنا - 2،2 پايىزعا ءوستى، ال جەمىس جانە جيدەكتەرگە 9 پايىزعا ارزاندادى.

ءىرى قارا مال ەتى 3،4، جىلقى ەتى - 2،7، قوي جانە شوشقا ەتى - 1،7 پايىزعا قىمباتتادى، ال قۇس ەتى 9،5 پايىزا ارزاندادى. باعا جۇمىرتقاعا 12،3 پايىزعا تومەندەدى، ال شيكى سۇتكە 1،2، بالعا - 0،5 پايىزعا ءوستى.

سوڭعى جاڭالىقتار