سەيسەنبىدە ەلىمىزدىڭ كەيبىر وڭىرلەرىندە جەل كۇشەيەدى

استانا. قازاقپارات - 9 -قازاندا قازاقستان اۋماعىنىڭ باسىم بولىگىندە كۇن رايى اشىق بولادى، تەك سولتۇستىك- باتىس، وڭتۇستىك جانە شىعىس بولىكتەرىندە اتموسفەرالىق اعىنداردىڭ وتۋىنە بايلانىستى، قۇبىلمالى جاۋىن- شاشىندى اۋا رايى كۇتىلەدى، دەپ حابارلايدى قازگيدرومەت.

سەيسەنبى كۇنى ەلىمىزدىڭ كەي جەرلەرىندە جەل كۇشەيىپ، تۇمان كۇتىلەدى، وڭتۇستىكتە شاڭدى داۋىل بولادى.

سولتۇستىك قازاقستان، قوستاناي وبلىستارىندا جەل 15-20، كۇندىز سولتۇستىك قازاقستان وبلىسىنىڭ كەي جەرلەرىندە 23-28 م/س كۇشەيەدى.

اقمولا، جامبىل، تۇركىستان، شىعىس قازاقستان وبلىستارىندا، كۇندىز پاۆلودار، باتىس قازاقستان، قىزىلوردا، ماڭعىستاۋ وبلىستارىنىڭ كەي جەرلەرىندە جەل 15-20 م/س كۇشەيەدى، قىزىلوردا وبلىسىندا شاڭدى داۋىل سوعادى، باتىس قازاقستان، الماتى، جامبىل، تۇركىستان وبلىستارىنىڭ كەي جەرلەرىندە تۇمان كۇتىلەدى.

ماڭعىستاۋ وبلىسىندا، تۇركىستان، قىزىلوردا، جامبىل، الماتى، اتىراۋ، اقتوبە، قاراعاندى وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.