استانادا جول بويىنا قۇرىلىس قوقىسىن توككەن جۇرگىزۋشىلەرگە ايىپپۇل سالىندى

استانا. قازاقپارات - قورشاعان ورتانى لاستاعانى ءۇشىن جۇك كولىكتەرىنە ايىپپۇل سالىندى، دەپ حابارلايدى قازاقپارات اكىمدىكتىڭ سايتىنا سىلتەمە جاساپ.

ەسىل اۋداندىق ءى ءى ب ج پ ق تابيعاتتى قورعاۋ پوليتسياسى بولىمشەسىنىڭ مالىمەتىنشە، نۇرا- ەسىل ارناسى مەن قورعالجىن تاس جولىنىڭ بويىنا قۇرىلىس قوقىستارىن توككەن 2 جۇرگىزۋشى ۇستالعان.

«جۇرگىزۋشىلەردىڭ ءارقايسىسىنا 48 مىڭ تەڭگە اكىمشىلىك ايىپپۇل سالىندى، ال ولاردىڭ اۆتوكولىكتەرى ايىپپۇل تۇراعىنا اكەتىلدى. قوقىس «نوۆا سيتي» تۇرعىن ءۇي كەشەنىنىڭ قۇرىلىسى ءجۇرىپ جاتقان نىساننان شىعارىلعاندىعى بەلگىلى بولدى. قورشاعان ورتانى لاستاۋ فاكتىسى بويىنشا ماتەريالدار ەكولوگيا دەپارتامەنتىنە شارا قولدانۋ ءۇشىن جىبەرىلدى»، - دەلىنگەن حابارلامادا.

ايتا كەتەرلىگى، جىل باسىنان بەرى اۋداندا بەلگىلەنبەگەن ورىنداردا قوقىس توككەنى ءۇشىن 65 اۆتوكولىك ۇستالىپ، 2 ميلليون تەڭگەدەن اسا ايىپپۇل سالىندى.