ساكەن مايعازيەۆ مايعازيەۆ پەن ماقپال يسابەكوۆا نەگە رەنجىسىپ قالدى؟

  استانا. قازاقپارات - تاياۋدا ارىپتەسىنە رەنجىگەن ساكەن مايعازيەۆ ءوز ارەكەتىن ءتۇسىندىردى. ول ماقپال يسابەكوۆامەن سوزگە كەلىپ قالۋىنىڭ سەبەبىن ايتتى. ءانشى ارىپتەسىنىڭ ارەكەتىن سىيلاماعاندىق دەپ باعالاپتى.

ەستە بولسا، ساكەن مەن ماقپال I am a Singer جوباسىندا ۇمىتكەردىڭ كەلەسى كەزەڭگە وتكىزۋ- وتكىزبەۋ ماسەلەسىنە كەلگەندە داۋلاسىپ قالعان بولاتىن.

«ماقپال يسابەكوۆا قارىنداسىممەن، ارىپتەسىممەن كەلىسپەي قالدىم. باسىندا قالجىڭداپ وتقانمىن، جاسىرماي- اق قويايىن. ەر ازامات بولماسا، قاتتى قوقان- لوققى كورسەتىپ، بەلدەن باساتىن كەزدە عانا اشۋلاناتىن اداممىن، بىلايشا سابىرلىمىن. باسىندا قالجىڭداپ، كەلىسەدى دەپ ويلادىم. 100 پايىزعا سەنىمدى بولدىم. سويتسەم ەلحان «جوق» دەدى. ونىڭ داۋسى ءوتىپ كەتتى. ماقپالدى كوندىرە باستادىم. بەيونستىڭ ءانىن كەرەمەت ورىندادى. ونىڭ قانشا كاۆەر نۇسقالارىن قاراپ، ىزدەنىپ، سولاي ورىنداعاندا ماكوسيا كەلىسپەي قويدى»، - دەيدى مايعازيەۆ.

جوبا بارىسىندا ساكەن ارىپتەسى «جوق» دەگەن جاعدايدا ورنىنان تۇرىپ، كەتىپ قالاتىنىن ايتقان- دى. الايدا ءانشى العاشقىدا بۇل ءسوزدى ماقپالدى كوندىرۋ ءۇشىن قالجىڭ رەتىندە ايتتىم، دەيدى. ول وسىلايشا ارىپتەسىنىڭ كەلىسە سالاتىنىنا سەنىمدى بولىپتى.

«كەلىسپەسەڭ، كەتىپ قالامىن دەپ قالجىڭداپ وتىرعام. ءارى قاراي سوزىمدە تۇرۋىم كەرەك بولدى. شىنىمەن مەنى سىيلاماعانداي بولىپ كورىندى. نەگە دەسەڭىز، مەن وسى جوبادا ءۇش قىزعا قاتتى جۇرەگىم اۋىردى. مەرۋەرت مۇسىرالىگە، گۇلناز باتتالوۆا مەن كەشەگى جانەركە قاباتايەۆاعا... بۇل ءۇش قىز دا بيىكتەن كورىنەتىنىنە سەنەمىن. سونشالىقتى مەنىمەن ساناسپاي، بەلدەن باسقانىنا دا اشۋلانىپ تۇرۋعا ءماجبۇر بولدىم. ايتپەسە سابىرلىق تا جەتەدى. قازىلاردىڭ ساناتىندا بولامىن دەپ حالىققا ۋادە بەرىپ قويدىم»، - دەيدى ساكەن اعىنان جارىلىپ.

ال جاۋاپتان قاشقان ماقپال يسابەكوۆا اقىرىندا ءوز ويىن بىلاي جەتكىزدى:

«بۇل سۇراققا جاۋاپ بەرمەي- اق قويايىن. ويتكەنى بىرەۋگە ەشتەڭە جاپقىم كەلمەيدى، ءوزىمدى دە اقتاعىم كەلمەيدى. تورتەۋمىز وتىرعاننان كەيىن، ءبارىمىزدىڭ داۋسىمىز قاتار جۇرەدى. سونى عانا قابىلداپ، حالىق دۇرىس ءتۇسىنسىن.

مەن تەك قانا ءوز پىكىرىمدى ايتىپ وتىرامىن، ول باسقا تورەشىلەرمەن سايكەستىك تاپپاي جاتسا، مەن نە ىستەيمىن؟ وندا مەنىڭ كونگەنىم بولادى. جولى ۇلكەن عوي دەپ كەلىسە سالسام، حالىقتى الداعانىم بولادى».

Stan.kz