شابىت شىعارماشىل جاستار فەستيۆالىنە وتىنىمدەر قابىلداۋ باستالدى
بيىل بايقاۋ «كلاسسيكالىق مۋزىكا» ، «حالىق مۋزىكاسى» ، «ەسترادالىق ۆوكال» ، «حورەوگرافيا» جانە «جۋرناليستيكا» اتالىمدارى بويىنشا وتەدى.
ۇيىمداستىرۋ كوميتەتىنىڭ شەشىمىمەن «كلاسسيكالىق مۋزىكا» نوميناتسياسىندا كەلەسىدەي ىشكى نوميناتسيالار بولادى: «ۇرمەلى اعاش اسپاپتار» ، «مىس ۇرمەلى اسپاپتار» ، «سوقپالى اسپاپتار» ، «كامەرالىق انسامبل» .
«حالىق مۋزىكاسى» نوميناتسياسىندا جەڭىمپازدار «قوبىز» ، «پريما قوبىز» ، «شەرتەر» ، «باس شەرتەر» ، «پريما دومبىرا» اتالىمدارى بويىنشا انىقتالسا، «حورەوگرافيا» نوميناتسياسىندا تەك حالىق ءبيىن ورىنداۋشىلار ونەر كورسەتەدى.
ال «جۋرناليستيكا» نوميناتسياسىنا ەكى باعىت قوسىلدى - «تەليەۆيدەنيە» جانە «ينتەرنەت رەسۋرستار» . ايتا كەتەيىك، «جۋرناليستيكا» «شابىت» فەستيۆالىنىڭ باعدارلاماسىندا سوڭعى رەت 6 جىل بۇرىن بولعان. بيىل استانانىڭ 20 جىلدىعىن مەرەكەلەۋگە وراي اتالعان نوميناتسيا قايتا ەنگىزىلدى. بايقاۋعا مەرەيتويلىق داتاعا جانە ەلورداعا ارنالعان تەليەۆيزيالىق باعدارلامالار، دەرەكتى فيلمدەر (حرونومەتراجى 20 مينۋتتان اسپايتىن) جانە ينتەرنەت رەسۋرستارداعى جاريالانىمدار قاتىسادى.
بيىل بايقاۋ 5-9 - قاراشا ارالىعىندا بەيبىتشىلىك جانە كەلىسىم سارايىندا وتەدى. وتىنىمدەردى قابىلداۋ 25 - قازانعا دەيىن جالعاسادى.
«شابىت» حالىقارالىق شىعارماشىل جاستار فەستيۆالى بيىل 21- رەت وتكىزىلەدى. وسى كۇنگە دەيىن ونەردىڭ ءتۇرلى جانرىندا 10 مىڭنان استام ادام قاتىستى. ءار جىلدارى فەستيۆالدىڭ باس جۇلدەسى تانىمال ازىلكەش تۇرسىنبەك قاباتوۆقا، اقىن قالقامان سارينگە، بالەت ءارتيسى ايگەرىم بەكەتايەۆاعا، وپەرا ءانشىسى ايگۇل نيازوۆاعا، «مەلومەن» توبىنا، اشا ماتايعا، بەلگىلى ءانشى ءارى كومپوزيتور قايرات باەكەنوۆكە جانە باسقا دا اتاقتى تۇلعالارعا تابىستالعان بولاتىن.
ەسكە سالايىق، وتكەن جىلى «شابىت» ⅹⅹحالىقارالىق شىعارماشىل جاستار فەستيۆالىندە قازاقستان رەسپۋبليكاسى پرەزيدەنتىنىڭ كۋبوگىن سكريپكاشى جىبەك مۋسۋرگاليەۆا جەڭىپ الدى.
ءار نوميناتسيا بويىنشا قاتىسۋ شارتتارىن www.shabyt.astana.kz جانە استانا قالاسى مادەنيەت جانە سپورت باسقارماسىنىڭ www.madeniet-sport-astana.kz سايتتارىنان بىلۋگە بولادى.