قازاقستان مەن ۇلى بريتانيا ىنتىماقتاستىقتىڭ جاڭا سالالارىن بەلگىلەدى

 استانا. قازاقپارات - بۇل تۋرالى بۇگىن استانادا ساۋدادا- ەكونوميكالىق، عىلىمي- تەحنيكالىق جانە مادەني ىنتىماقتاستىق جونىندەگى قازاقستان- بريتان ۇكىمەتارالىق كوميسسياسىنىڭ بەسىنشى وتىرىسى ءوتتى، دەپ حابارلايدى قازاقپارات.

«قازاقستان ءۇشىن ۇلى بريتانيا ەۋروپاداعى نەگىزگى ءارى ستراتەگيالىق سەرىكتەستەردىڭ ءبىرى بولىپ وتىر. شيرەك عاسىر ۋاقىتتا ەكىجاقتى قارىم- قاتىناستاردىڭ جوعارى قارقىنىن اتاپ وتكىم كەلەدى. جىل سايىن وسى فورماتتاعى كەزدەسۋلەر ءبىزدىڭ ءوزارا بايلانىستارىمىزدى نىعايتا تۇسۋدە، سونداي- اق ساۋدا- ەكونوميكالىق قاتىناستاردى ىلگەرلەتۋدىڭ جاڭا تەتىكتەرى كوزدەلۋدە» ، - دەپ توقتالدى ق ر ينۆەستيتسيالار جانە دامۋ ءمينيسترى جەڭىس قاسىمبەك.

ونىڭ سوزىنە قاراعاندا، قازاقستان- بريتان ۇكىمەتارالىق كوميسسياسى اياسىندا 4 جۇمىس توبى بار. بۇل باعىتتا ايتارلىقتاي قىزۋ پىكىرتالاستار وتۋدە.

« ۇلى بريتانيا ساۋدا اينالىمى بويىنشا قازاقستاننىڭ 10 ۇزدىك ساۋدا سەرىكتەستەرىنىڭ توبىنا كىرەدى. 2017 -جىلدىڭ قورتىندىسىنا سۇيەنسەك، ەكى مەملەكەت اراسىنداعى تاۋار اينالىمى 2 پايىزعا ءوسىپ، 1,3 ميلليارد ا ق ش دوللارىن قۇرادى. ارينە، بۇل تۇرعىدا ءبىزدىڭ الەۋەت ايتارلىقتاي جوعارى. وسى ورايدا ۇكىمەتارالىق كوميسسيا مۇمكىندىگىمەن ساۋدا قاتىناستارىنا قوسىمشا قارقىن بەرۋگە مۇددەلىمىز» ، - دەدى جەڭىس قاسىمبەك.

ۆەدومستۆو باسشىسىنىڭ ايتۋىنشا، بۇگىندە قازاقستاندا بريتاندىق كاپيتالدىڭ قاتىسۋىمەن 400 دەن استام بىرلەسكەن كاسىپورىن جۇمىس ىستەۋدە. وتىرىس بارىسىندا مۇناي- گاز، قارجى، تاۋ- كەن سالالارىنان بولەك، جاڭارتىلعان ەنەرگيا كوزدەرى، سۋمەن جابدىقتاۋ، اۋىل شارۋاشىلىعى، سونداي- اق قالدىقتاردى كادەگە جاراتۋ باعىتىنداعى الەۋەتتى جوبالار تالقىلاندى.

 تاراتىلعان مالىمەتتەرگە قاراعاندا، قازاقستان مەن  ۇلى بريتانيا اراسىنداعى سىرتقى ساۋدا اينالىمى 2018 -جىلدىڭ قاڭتار- شىلدەسىندە 743,4 ميلليون ا ق ش دوللارىن قۇرادى.