ۇلتتىق بانك قازاقستاندىقتارعا ۆاليۋتا ساتىپ الۋدى توقتاتا تۇرۋعا كەڭەس بەردى

الماتى. قازاقپارات - قازاقستان ۇلتتىق بانكى قازاقستاندىقتارعا باعا تۇراقسىز ۋاقىتتا ۆاليۋتا ساتىپ الماۋعا كەڭەس بەردى، دەپ حابارلايدى قازاقپارات ءتىلشىسى رەتتەۋىشتىڭ باسپا ءسوز قىزمەتىنە سىلتەمە جاساپ.

«ۇلتتىق بانك شەتەل ۆاليۋتاسىنا قاتتى قاجەتتىلىك بولماعان جاعدايدا حالىققا جانە ۇيىمدارعا ايىرباستاۋ باعامىنىڭ قۇبىلمالى جاعدايىندا اكتيۆتەردى ءبىر ۆاليۋتادان ەكىنشىسىنە اۋىستىرۋدان باس تارتۋعا كەڭەس بەرەدى. ۆاليۋتانى تۇراقسىز كەزدە ساتىپ الۋ - جيناقتى جوعالتۋ قاۋپىن ارتتىرادى»، - دەلىنگەن حابارلامادا.

بۇدان بۇرىن، ۇلتتىن بانك 2018 -جىلدىڭ قىركۇيەگىندە ىشكى ۆاليۋتالىق نارىقتا تەڭگەنى السىرەتەتىن تەڭگەرىمسىزدىكتىڭ كۇشەيگەنىنىن حابارلاعان ەدى. وسىعان بايلانىستى ۇلتتىق بانك ىشكى ۆاليۋتا نارىعىن تۇراقتاندىرۋ ماقساتىندا 2017 -جىلدىڭ قازانىنان باستاپ العاش رەت ۆاليۋتالىق ينتەرۆەنسيا جۇرگىزۋ تۋرالى شەشىم قابىلدادى. وسىلايشا، ۇلتتىق بانك 2018 -جىلدىڭ 5-7 -قازان ارالىعىندا 520,6 ميلليون ا ق ش دوللارىن ساتتى.