ەلباسى شەتەل ەلشىلەرىنەن سەنىم گراموتاسىن قابىلدادى

None
None
استانا. قازاقپارات - بۇگىن اقوردادا ەلباسى نۇرسۇلتان نازاربايەۆ ءبىرقاتار شەت ەلدەردىڭ قازاقستانعا جاڭادان تاعايىندالعان توتەنشە جانە وكىلەتتى ەلشىلەرىنەن سەنىم گراموتاسىن قابىلدادى، دەپ حابارلايدى قازاقپارات ءتىلشىسى.

اتاپ ايتقاندا، مەملەكەت باسشىسىنا سلوۆاكيا ەلشىسى ميلان كوللار، يسپانيا كورولدىگىنىڭ ەلشىسى داۆيد ارتۋرو كارريەدو توماس، قىتاي ەلشىسى چجان سياو، ەۋروپالىق وداقتىڭ قازاقستانداعى وكىلدىگىنىڭ باسشىسى سۆەن- ولوۆ كارلسسون، يزرايل ەلشىسى ليات ۆەكسەلمانيلار سەنىم گراموتاسىن تابىس ەتتى.

«بارشاڭىزدى قازاقستانداعى ديپلوماتيالىق ميسسيالارىڭىزدىڭ رەسمي تۇردە باستالۋىمەن قۇتتىقتايمىن. سىزدەردىڭ قىزمەتتەرىڭىز ەل دامۋىنىڭ ەڭ ماڭىزدى كەزەڭىمەن تۇسپا- تۇس كەلىپ وتىر. ستراتەگيالىق باعىتىمىز - قازاقستاندى الەمنىڭ وزىق دامىعان وتىز ەلىنىڭ قاتارىنا قوسۋ. وسىعان وراي قاجەتتى باعدارلامالار قابىلداپ، كەشەندى رەفورمالار جۇزەگە اسىرىپ كەلەمىز. بىلتىر قازاقستان ەكونوميكاسىنىڭ ءوسىمى 4 پايىزعا جەتىپ، الەمدىك ورتاشا كورسەتكىشتەن استى»، - دەدى ەلباسى.

قازاقستان پرەزيدەنتى تاۋەلسىزدىك جىلدارى ەلىمىزگە شەتەلدەن تارتىلعان تىكەلەي ينۆەستيتسيانىڭ جالپى كولەمى 300 ملرد دوللارعا جەتكەنىن اتاپ ءوتتى. دۇنيەجۇزىلىك بانكتىڭ DOING BUSINESS رەيتينگى بويىنشا قازاقستان 190 ەلدىڭ اراسىندا 36 ورىنعا يە بولعانىن ايتتى.

«بيىل ءبىز زاماناۋي تەحنولوگيالىق ينفراقۇرىمى بار ءارى ۇزدىك تاجىريبەگە نەگىزدەلگەن جاڭا «استانا» حالىقارالىق قارجى ورتالىعىن اشتىق. «سيفرلىق قازاقستان» مەملەكەتتىك باعدارلاماسىن تابىستى ورىنداۋ ءۇشىن 2022 -جىلعا دەيىن 400 ميلليون دوللارعا جۋىق قاراجات جۇمساۋ جوسپارلانىپ وتىر»، - دەدى ق ر پرەزيدەنتى.

سونىمەن قاتار مەملەكەت باسشىسى ۇلتتىق بولمىسىمىزدى 21 عاسىرعا ساي جاڭعىرتۋ ماقساتىمەن «رۋحاني جاڭعىرۋ» باعدارلاماسى ىسكە اسىرىلىپ جاتقانىن ايتتى.

«جالپى ساياسي- ەكونوميكالىق، رۋحاني جاڭعىرۋ ەلىمىزدىڭ جاھاندىق باسەكەگە قابىلەتتىلىگىن ارتتىرۋعا مۇمكىندىك بەرەدى. وسى باعىتتا ەلدى ىنتالاندىرۋ ءۇشىن مەن جاقىندا حالىققا ءوز جولداۋىمدى جاريالادىم. حالىقتىڭ حال-جاعدايىن تۇزەۋدىڭ تاعى ءبىر بەلەسىنە كوشەتىن بولامىز»، - دەدى نۇرسۇلتان نازاربايەۆ.

سوڭعى جاڭالىقتار