USD 433.3 EUR 464.19
RUB 6.48 CNY 64.56
جاڭالىقتار

وسكەمەن اكىمى ينستاگرامدا جاڭا ايالدامالار ءۇشىن داۋىس جيناۋدا

8 قازان 13:12
:ءبولىسۋ
وسكەمەن اكىمى ينستاگرامدا جاڭا ايالدامالار ءۇشىن داۋىس جيناۋدا

وسكەمەن. قازاقپارات - وسكەمەن قالاسىنىڭ اكىمى جاقسىلىق ومار Instagram پاراقشاسىندا جاڭا ايالدامالاردىڭ ورناتىلاتىن ورنى مەن ولاردىڭ ديزاينىنا داۋىس بەرۋ جۇرگىزۋدە، دەپ حابارلايدى قازاقپارات.

شاھار باسشىسى Instagram-داعى جەكە پاراقشاسىندا قالادا ەسكى ايالدامالاردى اۋىستىرۋ بويىنشا جۇمىستار باستالعانىن جازدى. جاڭا ايالدامالار وردجونيكيدزە كوشەسىندە بوي تۇزەپ ۇلگەردى. قالعان ايالدامالاردىڭ ورناتىلاتىن جەرىن جانە ولاردىڭ قانداي ديزايندا بولاتىنىن تۇرعىندار وزدەرى تاڭداي الادى. ول ءۇشىن اكىمنىڭ جازباسىنىڭ استىنا ءوز ۇسىنىستارىن جازۋ قاجەت.

«جىلدىڭ سوڭىنا دەيىن جالپى سانى 29 كەشەن اۋىستىرىلادى. ونىڭ 11 ى جىلى ايالداما بولادى. وسى پوستتىڭ استىنا جاڭا ايالدامالاردى قاي جەرلەرگە ورناتۋ قاجەتتىگىن جازۋعا بولادى. جاڭا ايالدامالار كوپ داۋىس جيناعان ورىندارعا ورناتىلادى. سونىمەن قاتار جىلىتىلاتىن ايالدامالاردىڭ جوباسىن ۇسىنۋعا بولادى»، - دەدى ج. ومار.

ەسكە سالايىق، جاقسىلىق ومار وسكەمەن قالاسىنىڭ اكىمى بولىپ بيىلعى تامىز ايىندا تاعايىندالعان بولاتىن. ول 2013 -جىلدىڭ مامىرىنان 2016 -جىلدىڭ قاراشاسىنا دەيىن - ش ق و اكىمىنىڭ ورىنباسارى، ال جاڭا لاۋازىمىنا دەيىن الماتى وبلىسى اكىمىنىڭ ورىنباسارى قىزمەتىن اتقاردى.

الەۋمەتتىك جەلىدە وتە بەلسەندى. جاڭا لاۋازىمعا تاعايىندالعان ءبىر ايدان كەيىن Facebook پايدالانۋشىلارىمەن شاھاردا اتقارىپ ۇلگەرگەن جۇمىستارىمەن ءبولىستى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات