تويدان كەيىنگى توبەلەس دەرسىڭ - قۋات حاميتوۆ كونور مەن حابيبتىڭ تارتىپسىزدىك جايلى

استانا. قازاقپارات - م م ا سپورتىنان قازاقستاننىڭ تانىمال سپورتشىلارىنىڭ ءبىرى قۋات «نايمان» حاميتوۆ يرلانديالىق كونور ماكگرەگور مەن رەسەيلىك حابيب نۋرموگامەدوۆتىڭ جەكپە-جەگىنە قاتىستى پىكىرىن ءبىلدىردى، دەپ حابارلايدى قازاقپارات ءتىلشىسى.

قازاقستاندىق سپورتشى ءوز پىكىرىن ينستاگرام پاراقشاسىندا قالدىردى.

«بارىنەن بۇرىن ماعان جەكپە-جەكتەن كەيىنگى توبەلەس ۇنادى. بۇل توبەلەس مەنىڭ ەسىمە قازاقتىڭ تويىنان كەيىنگى جاعاجىرتىستى ەسىمە ءتۇسىرىپ جىبەردى. ءسوزسىز، بۇل تۋرنير تاريحتا ءوز ورنىن تابار. مۇنداي شوۋ ۇيىمداستىرعان جىگىتتەرگە راحمەت. ەكەۋى دە ناعىز باتىرلار»، - دەپ جازدى قۋات حاميتوۆ.

ەسكە سالا كەتسەك، بۇگىن ا ق ش-تىڭ لاس- ۆەگاس قالاسىنداعى «تي- موبايل ارەنادا» ارالاس جەكپە-جەكتىڭ (MMA) تاريحىنداعى ەڭ ايتۋلى ايقاستاردىڭ ءبىرى، UFC 229 تۋرنيرىنىڭ اقتىق سايىسى - يرلانديالىق كونور ماكگرەگور مەن رەسەيلىك حابيب نۋرماگومەدوۆتىڭ ايقاسى اياقتالعان بولاتىن. جەكپە-جەكتە رەسەيلىك يرلانديالىقتى قىلقىندىرۋ ادىسىمەن جەڭدى.

الەمدىك دارەجەدە «عاسىر جەكپە-جەگى» اتانعان ايقاستىڭ شۋى ءالى باسىلمايتىن سەكىلدى. UFC 229 تۋرنيرىندە بۇگىن 27- جەڭىسىنە جەتكەن رەسەيلىك حابيب نۋرموگامەدوۆ سىياقىسىن الا الماۋى ىقتيمال. بۇعان داعىستاندىقتىڭ ايقاستان كەيىن كونور ماكگرەگوردىڭ دوستارىنا تاپ بەرۋى سەبەپ بولىپ وتىر.

UFC پرەزيدەنتى دەين ۋايت جەكپە-جەك اياقتالعاننان كەيىن ءتىپتى كوميسسيا حابيبتى تيتۋلىنان ايىرۋى مۇمكىن ەكەنىن دە ايتىپ قالدى. ونىڭ سوزىنە قاراعاندا، بۇل شۋدىڭ اقىرى سوتقا ۇلاسۋى مۇمكىن.