باتىر باۋىرجاننىڭ ناسيحات سوزدەرىن جاتقا ايتۋدان «شىعىس» اسكەريلەرى ەرەكشە چەللەندج باستادى

استانا. قازاقپارات - قازاقستان رەسپۋبليكاسى ۇلتتىق ۇلانى «شىعىس» وڭىرلىك قولباسشىلىعىنىڭ اسكەريلەرى حالىق قاھارمانى باۋىرجان مومىش ۇلىنىڭ ناسيحات سوزدەرىن جاتقا ايتۋدان «باۋىرجاننان قالعان باتىر رۋح» اتتى چەللەندج جاريالادى، دەپ حابارلايدى قازاقپارات ءتىلشىسى.

«جالپى، باتىر بابالاردىڭ ەرلىكتەرى مەن ولاردىڭ وسيەتتەرى تەك 9 -مامىر جاقىنداعاندا عانا ەسكە تۇسەدى. ءبىزدىڭ ويىمىزشا، بابالار وسيەتىن ناسيحاتتاۋ ۋاقىت پەن بەلگىلى ءبىر ماۋسىمدى تالعاماۋى قاجەت»، - دەيدى «شىعىس» وڭىرلىك قولباسشىلىعىنىڭ باسپا ءسوز قىزمەتىنىڭ باستىعى باعدات امانگەلدى.

ءۇش مينۋتتىق ۆيدەوجولداۋدا «شىعىس» وڭىرلىك قولباسشىلىعىنىڭ اسكەري قىزمەتكەرلەرى قىزمەت بابىندا ءجۇرىپ، باۋىرجان مومىش ۇلىنىڭ ايشىقتى سوزدەرىن جاتقا ايتادى. «شىعىس» وڭىرلىك قولباسشىلىعى چەللەندجدى وزگە وڭىرلەردىڭ اسكەريلەرى دە ءىلىپ اكەتەر دەگەن سەنىم ءبىلدىرىپ وتىر.