ابىلاي الەم چەمپيونى اتاندى

اتىراۋ. قازاقپارات - رەسەي استاناسى ماسكەۋدە پانكراتيوننان الەم چەمپيوناتى ءوتتى.

كىلەڭ مىقتىلار باس قوسقان ءدۇبىرلى دودادا جەرلەسىمىز ابىلاي تولەش قارسىلاسىن شاق كەلتىرمەي جاسىنداي جارقىلدادى، دەپ حابارلايدى قازاقپارات.

ابىلاي ىرىكتەۋ كەزەڭدەرىندە تاجىكستاندىق جانە ازەربايجاندىق قارسىلاستارىن ۇتتى. جارتىلاي فينالدا قىرعىز سپورتشىسىن وڭاي تىزە بۇكتىردى. ال اقتىق سىندا تارتىستى وتكەن جەكپە-جەكتە جارىس قوجايىنىنا ەش مۇمكىندىك بەرمەي چەمپيوندىق بەلدىكتىڭ يەگەرى اتاندى.

ايتا كەتەلىك، ابىلاي وسىعان دەيىن جەكپە-جەك سپورتتارىنىڭ بارلىعىندا دەرلىك ءوز باعىن سىناپ، جاقسى ناتيجەگە قول جەتكىزىپ جۇرگەن سپورتشى. سامبو، جەكپە-جەك، پانكراتيون سەكىلدى سپورتتاردان ءتۇرلى دەڭگەيدەگى جارىستاردىڭ جەڭىمپازى. كاسىپقويلار اراسىندا دا باعىن سىناپ ءجۇر. بۇگىنگى كۇندەرى اتىراۋدا جاڭادان اشىلعان «مەرگەن» جاۋىنگەرلىك كلۋبىندا جاتتىعادى.