USD 425.02 EUR 450.1
RUB 7.17 CNY 63.75
جاڭالىقتار

بالىق ساتاتىن الەمدەگى ەڭ ءىرى بازار جابىلدى

8 قازان 07:45
:ءبولىسۋ
بالىق ساتاتىن الەمدەگى ەڭ ءىرى بازار جابىلدى

استانا. قازاقپارات - جاپونيا استاناسىندا تەڭىز ونىمدەرى مەن بالىق ساتاتىن الەمدەگى ەڭ ءىرى بازاردى جاپتى، دەپ حابارلايدى انادولى اگەنتتىگى.

جابىلۋدىڭ سەبەبى 2020 -جىلعى وليمپياداعا دايىندىق بولىپ وتىر. ەندى بۇل جەرگە استانالىق بيلىك كولىك قوياتىن ورىن سالماق.

اتى اڭىزعا اينالعان بازار 83 جىلدان بەرى توقتاۋسىز جۇمىس ىستەپ كەلە جاتقان ەدى.

بۇل ورىن قىركۇيەكتىڭ اياعىندا تۋريستەر ءۇشىن جابىق بولسا، 7 -قازان كۇنى مۇندا جەرگىلىكتى تۇرعىندارعا سوڭعى رەت ساۋدا جاسالدى.

ايتا كەتەرلىگى، سۋكيدزيدەگى سوڭعى ساۋدا-ساتتىق 160 كەلىلىك تۋنەتس بالىعىنىڭ 4,38 ميلليون يەنگە ( 38 مىڭ دوللار شاماسىندا) ساتىلۋىمەن تاريحتا قالماق.

دەگەنمەن «سۋكيدزي» جوعالىپ كەتپەيدى، تەك جاڭا ورىنعا اۋىسادى. بازار بەيسەنبى، 11 قىركۇيەكتە تويەسۋ جاساندى ارالىندا اشىلاتىن بولادى.

جاپونيا مەن توكيو سيمۆولدارىنىڭ بىرىنە اينالعان سۋكيدزيگە جانە ونى قورشاعان مەيرامحانالارعا كۇن سايىن مىڭداعان تۋريستەر كەلۋشى ەدى.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات