تەمەكىنى تاستاعاننان كەيىن نە بولادى

استانا. قازاقپارات - تەمەكىنىڭ دەنساۋلىققا زيان ەكەندىگىن بارلىعى بىلەدى، ءبىراق ونى تاستاعان كەزدەگى جاقسى ناتيجەگە كوبىسى سەنە بەرمەيدى.

بۇل - تەمەكى تاستاۋدىڭ قيىنعا ءتۇسۋىنىڭ ءبىر سەبەبى.

ەگەر تەمەكىنى قازىر تاستاساڭىز، سىزگە نە بولاتىنىن وقىڭىز.

- 20 مينۋتتان سوڭ ارتەريالىق قىسىمىڭىز قالىپقا كەلەدى. - 8 ساعاتتان سوڭ تۇنشىقتىرعىش گاز دەڭگەيى ەكى ەسەگە ازايادى، ال وتتەك دەڭگەيى قالىپقا كەلەدى. - 48 ساعاتتان سوڭ جۇرەك ۇستاماسى قاۋپى تومەندەيدى. اعزادان نيكوتين تولىقتاي شىعادى، ءيىس پەن ءدام قابىلداۋىڭىز قالپىنا كەلەدى. - 72 ساعاتتان سوڭ برونح كەڭەيەدى، دەم الۋ كولەمى ۇلكەيەدى.

- 2 اپتادان سوڭ جانە ودان كەيىنگى 10 اپتا بويى قان اينالىم جاقسارادى.

- 3-9-ايدان سوڭ تاڭعى جوتەل جوعالادى، وكپەنىڭ ومىرلىك سيىمدىلىعى %10 عا ارتىلادى. - ءبىر جىلدان سوڭ جۇرەك ۇستاماسىنىڭ بولۋ قاۋپى ەكى ەسەگە ازايادى. - 5 جىلدان سوڭ ينسۋلت الۋ قاۋپى تەمەكى تارتپايتىن ادامنىڭ جاعدايىنا جاقىندايدى.

- 10 جىلدان سوڭ وكپە راگىنىڭ دامۋ قاۋپى تەمەكى تارتپايتىن ادامنىڭ جاعدايىنا جاقىندايدى. - 15 جىلدان سوڭ جۇرەك ۇستاماسى قاۋپى تەمەكى تارتپايتىن ادامنىڭ قاۋپىنە ورالادى.