جارىستان كەيىنگى تارتىپسىزدىگى ءۇشىن بوكسشى نۋرموگامەدوۆ سىياقىسىز قالۋى مۇمكىن

استانا. قازاقپارات - UFC 229 تۋرنيرىندە بۇگىن 27- جەڭىسىنە جەتكەن رەسەيلىك حابيب نۋرموگامەدوۆ سىياقىسىن الا الماۋى ىقتيمال.

بۇعان داعىستاندىقتىڭ ايقاستان كەيىن كونور ماكگرەگوردىڭ دوستارىنا تاپ بەرۋى سەبەپ بولىپ وتىر، دەپ حابارلايدى قازاقپارات ءتىلشىسى sports.kz سايتىنا سىلتەمە جاساپ.

«ماكگرەگورعا تيەسىلى سىياقىنىڭ بەرىلەتىنى ماقۇلداندى. بولعان وقيعا تەرگەلىپ بولعانشا نۋرموگامەدوۆتىڭ سىياقىسى بەرىلمەيدى»، - دەدى UFC پرەزيدەنتى دەين ۋايت ايقاس اياقتالعاننان كەيىن.

ەسكە سالا كەتسەك، ا ق ش- تىڭ لاس- ۆەگاس قالاسىنداعى «T- Mobile Arena» -دا ارالاس جەكپە-جەكتىڭ (MMA) تاريحىنداعى ەڭ ايتۋلى ايقاستاردىڭ ءبىرى، UFC 229 تۋرنيرىنىڭ اقتىق سايىسى - يرلانديالىق كونور ماكگرەگور مەن رەسەيلىك حابيب نۋرماگومەدوۆتىڭ ايقاسى اياقتالعان بولاتىن.

جەكپە-جەكتە رەسەيلىك يرلانديالىقتى قىلقىندىرۋ ادىسىمەن جەڭدى.