كونور ماكگرەگور حابيب نۋرموگامەدوۆتان جەڭىلىپ قالدى
«عاسىر ايقاسى» اتالىپ كەتكەن كەزدەسۋدە نۋرموگامەدوۆ العاشقى راۋندتا بىردەن وزىنە ىڭعايلى بالۋاندىق ادىسكە سالدى. قارسىلاسىن تاپجىلتپاي باسقانىمەن، كونور ساۋاتتى قورعانا ءبىلدى. ايقاستىڭ وسىلايشا سوققى الماسۋ تارتىبىمەن وتپەگەنىنە ىرزا بولماعان زالدىڭ ءۋىلى ارەنانى شارلاپ كەتتى. العاشقى راۋند ءتورت مينۋتتىق پارتەرمەن ءوتتى.
ەكىنشى راۋندتا حابيبتىڭ اۋىر سوققىسى ءدال ءتيدى. پارتەرگە قايتا ءتۇسىپ قالعان كونوردىڭ جولى بولماعانى انىق. ءۇشىنشى مينۋتتا يرلانديالىقتى تاعى قۇلاتىپ العان رەسەيلىك ايتارلىقتاي سوققىسىن دارىتىپ ۇلگەردى. ەكىنشى راۋند حابيب تاراپىنان ءبىر جاقتى ساباۋ تارتىبىمەن اياقتالدى.
ءۇشىنشى راۋندتا كونور الدىڭعى ەكى راۋندتاعى ولقىلىقتىڭ ورنىن تولتىرىپ، بىرنەشە سوققىسىن وتكىزدى. الايدا بەتپە-بەت ايقاستا قاپ تاۋىنىڭ قابىلانى شىداس بەرەتىنىن كورسەتكىسى كەلگەندەي. حابيبتىڭ بىرنەشە كلينچ ادىستەرى جەمىسسىز اياقتالدى.
ءتورتىنشى راۋندا حابيب نۋرموگامەدوۆ قارسىلاسىن قىلقىندىرۋ ادىسىمەن جەڭىسكە جەتتى.
ايتا كەتسەك، وسى جەكپە- جەكتىڭ اندەركارتىندا تۋرنيردىڭ ەڭ ماڭىزدى كەزدەسۋلەرىنىڭ ءبىرى - جەڭىل سالماقتاعى توني فەرگيۋسون مەن ەنتوني پەتتيستىڭ ايقاسى وتكەن بولاتىن. ەكى راۋندا سوزىلعان ايقاستا ەنتوني پەتتيستىڭ قولى سىنىپ، 34 جاستاعى فەرگيۋسون جەڭىس تۋىن جەلبىرەتتى.
ايتا كەتسەك، بۇعان دەيىن كونور ماكگرەگور حابيب نۋرماگومەدوۆپەن وتەتىن جەكپە-جەكتەن 100 ميلليون دوللار تابۋى مۇمكىن ەكەنىن حابارلاعان بولاتىنبىز.