ەلباسى جولداۋىن جاستار دا قولدادى
فورۋم اياسىندا ق ر پرەزيدەنتى ن. ءا. نازاربايەۆتىڭ جولداۋىنىڭ نەگىزگى باعىتتارى مەن 2019 -جىلى جاريالاناتىن «جاستار جىلى» باستاماسىنا قاتىستى ماسەلەلەر تالقىلانۋدا.
فورۋمنىڭ ماقساتتى - جاستاردى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ جولداۋىن جانە مەملەكەتتىك جاستار ساياساتىن جۇزەگە اسىرۋعا بەلسەنە قاتىسۋعا شاقىرۋ.
«جاستىق - ول ومىردە قايتالانبايتىن كەرەمەت قۇبىلىس. جاستىق ول قاس- قاعىم ءسات، سوندىقتان ونىڭ مۇمكىندىگىن ءوز ۋاقىتىندا پايدالانا ءبىلۋ كەرەك. كەشەگى جولداۋدى مەن جاستارعا ارنالعان دەر ەدىم. ەلباسى جولداۋ بارىسىندا ءبىراز سىن ايتتى، پروبلەمالاردى كوتەرە وتىرىپ تىعىرىقتان شىعۋدىڭ جولىن كورسەتتى. جالپى، جولداۋدى جۇزەگە اسىرۋدا جاستاردىڭ الاتىن ورنى ەرەكشە، ويتكەنى وسى زالدا وتىرعان ستۋدەنتتەر ساناۋلى جىلداردان سوڭ ءار سالا بويىنشا قىزمەتكە بارادى، دەمەك بولاشاقتىڭ قامىن بۇگىننەن باستاۋىمىز كەرەك»، - دەدى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ الەۋمەتتىك- مادەني دامۋ جونىندەگى پرورەكتورى ديحان قامزابەك ۇلى.
سونىمەن قاتار شارا بارىسىندا بەلسەندى جاستار جولداۋعا قاتىستى وي- پىكىرلەرىمەن ءبولىستى. كەلەر جىلعا جوسپارلانىپ وتىرعان جاستار جىلىندا قانداي شارالار اتقارىلادى دەگەن ماسەلەلەر بويىنشا دا پىكىر تالاستىردى.
قوعامدىق دامۋ مينيسترلىگى جاستار جانە وتباسى ىستەرى كوميتەتى جانە ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى ۇيىمداستىرعان فورۋم جۇمىسىنا پارلامەنت ءماجىلىسىنىڭ دەپۋتاتتارى، رەسپۋبليكالىق جاستار ۇيىمدارىنىڭ كوشباسشىلارى جانە استاناداعى ج و و- نىڭ ستۋدەنتتەرى قاتىسۋدا.
اتالعان فورۋمنىڭ قورىتىندىسى بويىنشا جاستار جىلىن وتكىزۋ جانە 2019 -جىلعا ارنالعان ءىس- شارالار جوسپارىنا ۇسىنىستار ازىرلەنەتىن بولادى.