قازاق بوكسشىسى مەكسيكالىق تانىمال بوكسشىنى نوكاۋتقا جىبەردى

استانا. قازاقپارات - كانادانىڭ كۆەبەك پروۆينسياسىنداعى Centre Videotron ارەناسىندا قازاقستاندىق كاسىپقوي بوكسشى باتىر جۇكەمبايەۆ (13-0، 11 ك و) كەلەسى كەزدەسۋىن وتكىزدى، دەپ حابارلايدى Sports.kz.

ول مەكسيكالىق تانىمال بوكسشى پاتريسيو مورەنومەن (20-2، 14 ك و) كەزدەستى. ون راۋندقا شاقتالعان جەكپە-جەك مەرزىمىنەن بۇرىن اياقتالدى. جۇكەمبايەۆ تانىمال قارسىلاسىن 7-راۋندتا تەحنيكالىق نوكاۋتپەن جەڭدى. ەندى باتىردىڭ جەڭىستەرىنىڭ سانى 14-كە جەتتى، ال قارسىلاسى كارەراسىندا ءۇشىنشى رەت جەڭىلدى.

ايتا كەتەيىك، كانادالىق جۋرناليستەر 27 جاستاعى قازاقستاندىق بوكسشىنىڭ شەبەرلىگىنە كوپ مارتە تامسانا پىكىر بىلدىرگەن بولاتىن. كانادا بۇقارالىق اقپارات قۇرالدارى باتىردى ەڭ دارىندى جەرگىلىكتى سپورتشىلاردىڭ ءبىرى دەپ اتاپ، ۇلكەن تەلەۆيزياداعى جەكپە-جەكتەرىن تاعاتسىزدانا كۇتەتىنىن جاريالاعان.