بۇرىنعىلار ەتى سەنىكى، سۇيەگى مەنىكى دەيتىن - جامبىل احمەتبەكوۆ مۇعالىم مارتەبەسى جايلى

None
None
استانا. قازاقپارات - قازاقستان كوممۋنيستىك حالىق پارتياسىنىڭ حاتشىسى، پارلامەنت ءماجىلىسىنىڭ دەپۋتاتى جامبىل احمەتبەكوۆ قازاقستان پرەزيدەنتىنىڭ حالىققا جولداۋىندا كورسەتىلگەندەي مۇعالىمدەردىڭ مارتەبەسىن قالپىنا كەلتىرۋ ماسەلەسىن ەرەكشە اتاپ ءوتتى، دەپ حابارلايدى قازاقپارات ءتىلشىسى.

استانادا وتكەن «قازاقستان-2050» دەموكراتيالىق كۇشتەردىڭ جالپى ۇلتتىق كواليتسياسىنىڭ وتىرىسىندا جامبىل احمەتبەكوۆ جولداۋداعى مىندەتتەردى ىسكە اسىرۋ كەرەكتىگىن ايتىپ ءوتتى.

«مەملەكەتتىك قىزمەتشىلەر، قۇقىق قورعاۋ ورگاندارىنىڭ قىزمەتكەرلەرى حالىقتىڭ وكىلى بولعاننان كەيىن حالىق پەن بيلىكتىڭ اراسىن جاقىنداتاتىن دانەكەر بولۋى كەرەك دەپ سانايمىز. ياعني، مەملەكەتتىك قىزمەتشىلەر حالىققا قىزمەت ەتۋشى رەتىندە وسى ويدى بويلارىنا ءسىڭىرۋى قاجەت»، - دەيدى جامبىل احمەتبەكوۆ.

قازاقستان كوممۋنيستىك حالىق پارتياسىنىڭ حاتشىسى ءوز سوزىندە اتاپ وتكەندەي، جولداۋدا كورسەتىلگەن مىندەتتەردىڭ ءبارى ىسكە اسىرىلاتىن بولسا، وندا ءبىزدىڭ قوعامىمىزدا ايقىن ىلگەرىلەۋشىلىك بولادى.

«مەن اتاپ وتەتىن ءبىر ماسەلە - مۇعالىمدەردىڭ جاي- كۇيى. ايتا كەتسەم ارتىق بولماس: كەڭەس كەزىنىڭ وزىندە اتا-انالار بالاسىن وقۋعا بەرگەن كەزدە «ەتى سەنىكى، سۇيەگى مەنىكى» دەپ ايتاتىن. قاتتى ايتىلسا دا، سول سوزدە شىندىق بار. ال قازىرگى كەزدەگى بالا مەن مۇعالىمنىڭ، مۇعالىم مەن اتا-انانىڭ قارىم-قاتىناسى كۇرت وزگەرىپ كەتتى. مۇنىڭ بارلىعى مۇعالىمنىڭ مارتەبەسىنىڭ جوعالۋىنا اكەپ سوقتىردى. سوندىقتان، مۇعالىمنىڭ مارتەبەسىن كوتەرۋ باستاماسىن ءبىز قۇپتاپ وتىرمىز. مۇعالىمدەردى ءوز مىندەتىنە سايكەس كەلمەيتىن ىستەردەن، ەسەپ-قيساپتان ارىلتاتىن بولسا، ونىڭ مارتەبەسى اجەپتاۋىر كوتەرىلەدى»، - دەدى ول.

ونىڭ ايتۋىنشا، حالىقتى سپورتقا تارتۋ ءۇشىن 100 سپورتتىق-ساۋىقتىرۋ كەشەنىن سالۋ - وتە ويلى باستاما.

«قانشاما كەزدەسۋلەر مەن جيىندار وتكىزسەك تە مەديتسينا سالاسىندا وزەكتى ماسەلەلەلەر رەتىنە كەلە قويعان جوق. دارىگەرلەردىڭ مارتەبەسى دە ءماز ەمەس. سوندىقتان، ۋچاسكەلىك مەديتسينالىق قىزمەتكەرلەردىڭ جالاقىسىن 20 پايىزعا كوتەرۋ دەگەن ايتۋلى باستامالاردىڭ ءبىرى دەپ ويلايمىز»، - دەپ ءتۇيدى جامبىل احمەتبەكوۆ.

ەسكە سالا كەتسەك، مەملەكەت باسشىسى نۇرسۇلتان نازاربايەۆ قازاقستان حالقىنا جولداۋىندا 2019 -جىلى قازاقستاندا «پەداگوگتاردىڭ مارتەبەسى» تۋرالى زاڭ قابىلداۋ كەرەكتىگىن ايتقان ەدى.

 

فوتو: kokshetau.asia

سوڭعى جاڭالىقتار