جاڭا فورماتسيانىڭ مەملەكەتتىك قىزمەتشىسى قانداي بولۋى كەرەك - ساراپشى پىكىرى
بۇل ساۋالعا ق ر پرەزيدەنتى جانىنداعى ق س ز ي-دىڭ الەۋمەتتىك- ساياسي زەرتتەۋلەر ءبولىمىنىڭ مەڭگەرۋشىسى الۋا جولدىبالينا جاۋاپ بەردى، دەپ حابارلايدى قازاقپارات ءتىلشىسى.
«جاڭا فورماتسيانىڭ مەملەكەتتىك قىزمەتشىلەرى جاڭا باسقارۋشى ەليتالارعا قاجەتتى مىنەزگە يە بولۋى ءتيىس. ياعني، ولار بەيتريۆيالدى جاۋاپتى تاڭداۋ بارىسىندا ديالوگقا قابىلەتتى ءارى دايىن بولۋى، كوماندادا، ءتۇرلى باعىتتاعى ساراپشىلارمەن ىنتىماقتاستىقتا جۇمىس ىستەي ءبىلۋى قاجەت. مۇنان بولەك، ولاردىڭ مادەنيەتى وتە جوعارى، وتانشىل بولعاندارى دا ءجون»، - دەدى ول قازاقپارات تىلشىسىنە بەرگەن سۇحباتىندا.
ونىڭ پايىمىنشا، جاڭا باسقارۋشىلار ءبىلىمنىڭ ءتۇرلى سالالارىنىڭ مايتالمان ماماندارى بولۋلارى قاجەت. ال بۇل ولاردىڭ ءبىر عانا مامان يەسى بولماۋى كەرەكتىگىن بىلدىرەدى.
«جاڭا باسقارۋشىلار وڭىرلىك جانە جەرگىلىكتى دەڭگەيدە عانا ەمەس سونىمەن قاتار باسقارۋ، ستراتەگيا، اقپاراتتاردى، قارجىلار مەن ادام رەسۋرستارىن باسقارۋ قىزمەتتەرىندە، قۇرىلىمدىق باسقارۋدا ولاردىڭ ەرەكشەلىكتەرىن ەسكەرىپ وتىرۋ كەرەك. جاڭا فورماتسيا باسشىلارى - ولار ستراتەگيالىق تۇرعىدا كەڭىنەن ويلاي بىلەتىن، كوزاقارسى جان- جاقتى، ەلدىڭ نەگىزگى باعدارلامالىق قۇجاتتارىنىڭ مازمۇنى مەن ءمان- ماعىناسىن لايىقتى دەڭگەيدە تۇسىنەتىن، باتىل ءارى ستاندارتتان تىس يدەيالاردى ۇسىنا الاتىن قىزمەتشىلەر»، - دەدى الۋا جولدىبالينا.
ايتا كەتەيىك، كەشە قازاقستان حالقىنا كەزەكتى جولداۋىن جاريا ەتكەن ق ر پرەزيدەنتى نۇرسۇلتان نازاربايەۆ مەملەكەتتىك ورگاندار قىزمەتىنىڭ تيىمدىلىگىن تۇبەگەيلى ارتتىرۋ ماسەلەسىنە توقتالعان وبلاتىن.
«ساپا» - مەملەكەتتىك قىزمەتشى ءومىرىنىڭ جاڭا ءستيلى، ال ءوزىن- ءوزى جەتىلدىرۋ - ونىڭ باستى قاعيداتى بولۋى ءتيىس. جاڭا فورماتسيانىڭ مەملەكەتتىك قىزمەتشىلەرى مەملەكەت پەن قوعام اراسىنداعى الشاقتىقتى قىسقارتۋى كەرەك. بۇل ارقىلى تۇراقتى كەرى بايلانىس ورنىعىپ، مەملەكەتتىك ساياساتتىڭ ناقتى شارالارى مەن ناتيجەلەرى قىزۋ تالقىلانىپ، جۇرتشىلىققا تۇسىندىرىلەدى»، - دەپ اتاپ وتكەن ەدى ەلباسى.
فوتو: kisi.kz