سەناتور «پەداگوگتار مارتەبەسى» باستاماسىن ۇستازداردىڭ قالاي قابىلداعانىن ايتىپ بەردى
«ەڭ باستىسى عالىم رەتىندە ەرەكشە قۋانتاتىنى - ەلباسىنىڭ كەشەگى جولداۋىندا ءبىلىم، عىلىم، مەديتسينا سالاسىنا ج ءى و- نىڭ 10 پايىزعا دەيىنگى قاراجاتتىڭ ءبولىنۋى. بۇل كوپتەن بەرى كوتەرىلىپ كەلە جاتقان ماسەلە. سوڭعى 10-15 -جىلدا عالىمدار وسى ماسەلەنى ايتىپ كەلە جاتىر. ءقازىر ءبىزدىڭ عىلىمنىڭ قارجىلاندىرىلۋى - 0,13 پايىز عانا. جاقىندا عانا ءبىزدىڭ سەناتتا ۇلكەن دوڭگەلەك وتىرىسى ۇستەل ءوتىپ، قازاقستاننىڭ بارلىق عالىمدار جينالعان كەزدە دە وسى ماسەلە قىزۋ تالقىلانعان ەدى. وسىدان 2-3 كۇن بۇرىن ب ع م- دا وتكەن فورۋمدا دا وسى جايت ايتىلدى. كەشەگى ەلباسىنىڭ ويىپ ايتقانى - ءبىلىم، عىلىم دەپ توقتاپ تۇرىپ، اسىرەسە عىلىمعا دەن قويعانى ءبىزدى ەرەكشە قۋانتادى. عىلىمعا بولىنەتىن قاراجاتتى ارتتىرماي، ەكونوميكانى كوتەرۋ وڭاي بولماس دەگەن ويدامىن»، - دەدى پارلامەنت سەناتىنىڭ دەپۋتاتى.
باقىتجان جۇماعۇلوۆ سونىمەن قاتار قوعامداعى ۇستازداردىڭ ورنى تۋرالى سويلەدى.
«كەشە ەلباسى ۇلكەن زالعا «نەگە ءبىزدىڭ بالالارىمىز شەتەلگە كەتىپ جاتىر؟ نەگە بىزدە سىرقاتتانعان ادامدار شەتەلدە ەمدەلەدى؟» دەپ سۇراق قويدى. دەگەنمەن، مەملەكەت باسشىسى، ۇكىمەت تاراپىنان جاقسى مەكتەپتەر سالىنىپ جاتىر. ىشىندە بارلىق جابدىقتار، لابورتوريالار بار. مەديتسينا سالاسىندا الەمدە ەشكىمنەن كەم ەمەس قۇرىلعىلار كەلىپ جاتىر. ال قوعامدا ءبىزدىڭ پەداگوگ پەن دارىگەرلەرگە دەگەن سەنىم جوق. ايتەۋىر، مۇعالىم دەگەندە كوپ ادامدار ءبىزدىڭ ۇستازدار شەتەلدەگىلەر سەكىلدى ساباق بەرە المايدى دەگەن پىكىردە. مەنىڭ ءوزىم تالاي ەلدە بولىپ ءجۇرمىن. ءبىزدىڭ ۇستازدار ەشكىمنەن كەم ەمەس. «پەداگوگتار مارتەبەسى» تۋرالى زاڭدى قابىلداۋ كەرەك دەگەن كەزدە قۋانعانىمنان ورنىمنان تۇرىپ كەتە جازدادىم»، - دەدى سەناتور.
باقىتجان جۇماعۇلوۆ كەشەدەن بەرى وسى جاڭالىققا بايلانىستى وزىنە كوپتەگەن ءبىلىم سالاسىنىڭ ماماندارى قۋانىپ قوڭىراۋ سوعىپ جاتقانىن جاسىرمادى.
«ءبىزدىڭ پەداگوگتارعا قوعامدا ورىن بەرىلىپ، جالاقىسىن دۇرىستاپ، ءوزىنىڭ قىزمەتىنەن تىس جۇمىستارعا جۇمساۋعا بولمايتىنىنا جاقسى قۋاندىق. ءبىزدىڭ ۇستازداردىڭ كۇنى الدا! ەلباسىنىڭ وسى ۇسىنىسىن ءبىز ۇلكەن قۋانىشپەن قابىلداپ الدىق»، - دەدى سەناتور.